Փաստ ինֆո

Նիժնի Նովգորոդի «ՍԻԶՈ-1» -ում սովից մահացել է խարդախության փորձ կատարելու մեջ կասկածվող 61-ամյա Նատալյա Իլյինան: Կալանքի ընթացքում առողջ կինը վերածվել է կմախքի: Կալանքի ժամկետը երկարաձգելու վերաբերյալ դատավարության նիստի կնոջը ներս են բերել մատրասի վրա անգիտակից վիճակում, սակայն դա ոչ մեկին չի շփոթեցրել. Իլյինան վերադարձվել է ՍԻԶՈ: Այս մասին պատմում է «МК»-ն:

«Նա ուտում էր այն, ինչ նրան տալիս էին: Իսկ դա դժվար է անվանել սնունդ: Իսկ խցում առկա էին հակասանիտարական պայմանների բոլոր նշանները` խավարասերներ, բորբոսով ծածկված պատեր...», - պատմել է փաստաբան Ալեքսանդրա Սմիրնովան:

Նրա խոսքերով, բանտախցում չկար սառնարան, ուստի հարազատներին արգելվել էր մթերք փոխանցելը, իսկ որպես նվեր սառնարան ընդունել հրաժարվել են: Բացի այդ, խցում համատեղ գտնվողները ծխում էին, ինչը նույնպես ազդել է Իլյինայի առողջության վրա:

Ապրիլի 30-ին Իլյինային դահլիճ են բերել մատրասի վրա: Նա ոչ մեկին չի ճանաչել, «զառանցում էր, քթի տակ քիչ իմաստալից բաներ ասում»: Պաշտպանությունըը խնդրել է ընտրել կալանքից զատ որևէ խափանման միջոց՝ նշելով հաշմանդամ ամուսնուն և ուսանող երեխաներին, սակայն ոչնչի չի հասել: Երբ Իլյինան գիտակցության է եկել, բողոքել է, որ ՍԻԶՈ- ում նրան չեն կերակարում և կաթ է խնդրել: Ուժասպառ կնոջը ստիպված են եղել խմացնել փոքրիկ կափարիչից:

Մայիսի տոներին, ըստ Սմիրնովայի, Իլյինան փաստաբաններից գաղտնի հոսպիտալացվել է հոգեբուժական բաժանմունքում, որտեղ ոչ ոք հոգ չի տարել կնոջ համար: Ըստ փաստաբանի, նրան այնտեղ ևս չեն կերակրել, և ծեծի են ենթարկել: Մայիսի 8-ին Իլյինան մահացել է:

Նիժնի Նովգորոդի թիվ 1 ՍԻԶՈ-ում գտնվում է  Սմիրնովայի ևս երկու պաշտպանյալ: Ըստ փաստաբանի, նրանցից մեկին մեկ անգամ հոգեբանական դեղեր են ներարկել և մի քանի օրով  նստացրել պատժախցում:  Փաստաբանի մեկ այլ պաշտպանյալ կնոջ, չնայած նրա հղի լինելուն, իբրև սահմանափակել են սննդի մեջ: Փաստաբանները  բողոքներ են ուղղել դատախազությանը, նախագահի աշխատակազմին, քննչական կոմիտեին և մարդու իրավունքների գծով աշխատակցին:

Աղբյուր` Փաստինֆո