Փաստ ինֆո

Ավելի քան 10 մարդ կարող էր տուժել սերիական թունավորող տղամարդու գործողություններից, որը իր զոհերի ըմպելիքների մեջ  ֆենազեպամ, կլոզապին և տրամադոլ էր ցանում, հետո թալանում էր նրանց, հաղորդում է TASS- ը` հղում կատարելով ՆԳՆ պաշտոնական ներկայացուցիչ Իրինա Վոլկին:

Ավելի վաղ հաղորդվել է, որ գործի մեջ ընդգրկվել է գողության  երեք դրվագ: Ըստ Վոլկի, ոստիկանություն է դիմել ևս երեք տուժող: «Ընդհանուր վնասը այս պահի դրությամբ գերազանցել է 140 հազար ռուբլի: Քննությունը համարում  է, որ ավելի քան տասը մարդ կարող էր տուժել կասկածյալի անօրինական գործողություններից», - ասել նա:

Վոլկը նշել է, որ ստացվել են կասկածյալի մոտից առգրավված նյութի փորձաքննության արդյունքները: Հաստատվել  է, որ դրանք իրենցից ներկայացնում են ֆենազեպամ, կլոզապին և տրամադոլ դեղորայքները:

«Նշված քրեական գործերի նախաքննությունը վարող քննիչը որոշում է կայացրել դրվագներից մեկը  ՌԴ Քրեական օրենսգրքի 158 -րդ հոդվածից (« Կողոպուտ ») վերաորակել 162-րդ հոդվածի (« ավազակային հարձակում »):  Բացի այդ, օպերատիվ որոնողական միջոցառումների և  քննչական գործողությունների արդյունքում  մեր աշխատակիցները հայտնաբերել են ևս երեք տուժող, որոնք արդեն դիմել են ոստիկանություն:  Փաստերից մեկի ստուգումների արդյունքում նույնպես հարուցվել է քրեական գործ ՌԴ քրեական օրենսգրքի 162-րդ հոդվածով », - ասել է Վոլկը` ավելացնելով, որ քրեական գործերի քննությունը գտնվում է Մոսկվայի կենտրոնական վարչական շրջանի ներքին գործերի վարչության պետ Իգոր Զինովևի անձնական հսկողության տակ:
 
Ավելի վաղ, իրավապահ մարմինների աղբյուրը ТАСС - ին հայտնել է, որ ձերբակալվածը գտնվում է Մոսկվայում  2015 թվականից: Նախնական տվյալներով, նա գործել է  Մոսկվայի կենտրոնում, Բասմաննըի շրջանի տարածքում՝ առնվազն մայիս ամսից: Խուզարկման ժամանակ նրա մոտ հայտնաբերվել են գողացված իրերը և փոշիանման նյութ, որը, ըստ նախնական տեղեկությունների նա  լցնում էր իր զոհերի ըմպելիքների մեջ, որից հետո նրանք ընկնում էին կիսաքուն կամ նույնիսկ անգիտակից վիճակի մեջ: Տուժածների թվում է «The Village» պարբերականի լուսանկարիչ Լյուդմիլա Չիժովան:

Աղբյուր` Փաստինֆո