Փաստ ինֆո

Փարիզի դատախազությունը բացառել է Նոտր Դամի տաճարի հրդեհի քրեական ծագումը և  թվարկել է քննության հիմնական վարկածները: Նրանց թվում են՝ չհանգցրած ծխախոտի կամ էլեկտրահաղորդման համակարգում ծագած խնդիրների պատճառով առաջացած բռնկումը, գրում է Le Figaro- ն: Նախնական եզրակացությունները հայտարարել է հրդեհից երկու ամիս անց Փարիզի դատախազ Ռեմի Հայտցը:

Նրա խոսքերով, հրդեհն այժմ ուսումնասիրվում է որպես անվտանգության տեխնիկայի ոչ դիտավորյալ խախտումների հետևանք: Այդ հոդվածով  հունիսի26-ին անհայտ անձանց նկատմամբ գործ է հարուցվել: Հրդեհի ճշգրիտ պատճառը բացահայտել դեռևս չի հաջողվել: Նրանք կշարունակեն աշխատել և կանցկացնեն համապատասխան փորձաքննություններ:
 

Ապրիլի 15-ի Նոտր Դամն ավերած հրդեհը  դարձավ ողբերգություն ողջ աշխարհի համար:  Կրակը սկսվել է վերնահարկում՝ շինարարական փայտանյութից, և շուտով վերցրել է ամբողջ շենքը:
 
Ապրիլի 20-ին հայտնի է դարձել, որ տեսագրությունների և լուսանկարի համաձայն բացահայտվել է բռնկման օջախը՝ տաճարի կենտրոնական մասում սրաձողի հիմքի մոտ: Տեղեկացվում է, որ տաճարի անվտանգության ազդանշանային համակարգը երկու անգամ միացել է. Առաջին անգամ աշխատակիցները չեն կարողացել հայտնաբերել հրդեհը. այն հայտնի է դարձել միայն 23 րոպե անց, երբ հրդեհի տագնապի համակարգը միացել է երկրորդ անգամ: Տաճարի վանահայր Պատրիկ Շովեն ենթադրել է որ հրդեհը հնարավոր է եղել է համակարգչային համակարգում որևէ  խափանման հետևանք:
 
Le Bras Freres ընկերությունում, որը տեղադրել է անտառային փայտանյութը, խոստովանել է, որ որոշ աշխատողներ, հակառակ արգելքների, այնուամենայնիվ ծխում էին աշխատավայրում:

Աղբյուր` Փաստինֆո