Փաստ ինֆո

ՀՀ երկրորդ նախագահ Ռոբերտ Քոչարյանը հատուկ սպասելիքներ չունի վերաքննիչ քրեական դատարանից:
Նման հայտարարությամբ նա հանդես է եկել 5-րդ ալիքին տված հարցազրույցում:

‹‹Սպասելիքներ չունեմ։ Կարծում եմ՝ այդ սցենարը նախագծված էր՝ լսել մեղադրող կողմին, գործով ներգրավված տուժողների ներկայացուցիչներին ու հետո զավեշտալի պատճառաբանությամբ զրկել պաշտպանող կողմին իր տեսակետը ներկայացնելուց։ Արեցին ամեն ինչ, որ պաշտպանող կողմը չկարողանա ներկայացնել իր տեսակետը»,-ասել է ՀՀ երկրորդ նախագահը:

Նա ընդգծել է, որ դատարանի վարույթում գտնվող գործը 10 սպանություկնների դատավորությունը չէ, քրեական գործն ընդհանրապես դրա մասին չէ և հասկանալի չէ, թե զոհվածների իրավահաջորդներն ինչի համար էին հրավիրված։ «Սա մի սցենար էր, որը ենթադրում է ներկայացնել դատախազության եւ գործադիր իշխանության՝ իրադարձությունների վերսիան ու զրկել այլ տեսակետը հնչեցնելու հնարավորությունից պաշտպանողական կողմին»- ասել է պաշտոնաթող նախագահն ու ավելացրել, որ «Հայաստանի պատմության մեջ այդպիսի բան չի եղել»: «Իմ փաստաբանական խումբը տարբեր սերունդների փաստաբաններից է բաղկացած, և ոչ միայն իրենք, այլև իրենց մասնագիտական շփման մակերեսում, երբեք չեն լսել ու չեն պատկերացրել, որ նման բան ընդհանրապես հնարավոր է››,-ընդգծել է Քոչարյանը՝ ասելով, որ նույնիսկ կոնտրոնական Աֆրիկայի խուլ գյուղերում, որտեղ մարդիկ են ուտում, այդպիսի բաներ չեն անում:

Ռ.Քոչարյանի խոսքերով՝ գործող իշխանություններն անում են այն քայլերը, այդ թվում՝ սխալ քայլերը, որոնք անում է յուրաքանչյուր հեղափոխական:
‹‹Ոչ միայն հեղափոխական, այլև առաջին ալիքի հեղափոխական: Իրենք համարում են, որ միայն իրենք են ներկայացնում ժողովրդին: Համարում են, որ ժողովրդի անունից միայն իրենք կարող են խոսել և քանի որ իրենք են ժողովուրդը, ապա իրենք օրենքից վեր են››,-ասել է ՀՀ երկրորդ նախագահը:

Քոչարյանի խոսքով, իշխանությունները մոռանում են, որ ժողովրդի սերը տատանվող երևույթ է և սիրուց մինչև ատելություն մեկ քայլ է. ‹‹Այդ քայլի կեսից ավելի իրենք անցել են››:

Աղբյուր` Փաստինֆո