Փաստ ինֆո

ԱՄՆ նախագահ Դոնալդ Թրամփը որոշել է  հետաձգել է Իրանը հրթիռակոծելու հրամանի կիրառումը: Սակայն, անհրաժեշտության դեպքում, ԱՄՆ զինված ուժերը կարող են անցնել գրոհի: Այս մասին հաղորդել է նախագահը Twitter- ում:

«Ես չեմ հրահանգել «վերադառնալ», ինչպես շատերը հաղորդել են, ես պարզապես ժամանակավորապես թույլ չեմ տվել հարձակվել», - խոսելով Իրանի վրա հարձակման մասին, ասել է նախագահը:

Հունիսի 20-ին ԶԼՄ-ները հաղորդել են Իրանի հարավում ամերիկյան Global Hawk անօդաչու սարքի ոչնչացման մասին: ԱՄՆ-ում նշել են, որ անօդաչուն խփվել է Հորմուզի նեղուցի վերևում, ոչ թե Իրանի օդային տարածքում:

 Հարցի պատմությունը

Հունիսի 21-ին Թրամփը հայտարարել է, որ հրթիռը չեն արձակել «անհամաչափ 150 զոհերի» պատճառով:

«Ես հարցրել եմ՝ քանի զոհ է լինելու: «Հարյուր հիսուն մարդ, սըր», - պատասխանել է ինձ գեներալը: Զարկից տասը րոպե առաջ ես չեղարկել եմ  հրամանը, քանի որ դա անհամաչափ էր խփված սարքին, որում չկային մարդիկ»,- հայտարարել է Ամերիկայի նախագահը

Թրամփը հավելել է, որ զոհերի փոխարեն նա պատժամիջոցներ է կիրառել, իսկ իսլամական կողմը «երբեք չի կարող ունենալ միջուկային զենք»:

Սա տեղի է ունեցել հունիսի 13-ին Օմանի ծոցում տեղի ունեցած իրադարձություններից հետո, երբ գրոհել են Նորվեգիայի Frontline ընկերության «Front Altair» տանկերը և Kunihana Sangyo ճապոնական տրանսպորտային ընկերությանը պատկանող «Kokuka Courageous» անկերը: Սկսվել են հրդեհներ, նորվեգացիների տանկերը խորտակվել է: Փրկվել է 23 նավաստի (Վրաստանից, Ռուսաստանից և Ֆիլիպիններից): Ամերիկյան և բրիտանական կառավարությունները ամեն ինչի համար մեղադրել են Իրանին: ԶԼՄ-ները գրել են, որ Իրանի զինվորականները, իբր, հրթիռ են բաց թողել ամերիկյան անօդաչուի վրա, ապա սկսել են գրոհը:

Աղբյուր` Փաստինֆո