Փաստ ինֆո

Մենք ուսումնասիրել ենք «Սահմանադրական դատարանի մասին» ՀՀ Սահմանադրական օրենքի 71-րդ հոդվածի ու ՀՀ քրեական դատավարության օրենսգրքի 31-րդ հոդվածի 2-րդ մասի իրավակարգավորումները ու եկել ենք այն եզրահանգման, որ վիճարկվող դատական ակտի կայացմամբ առաջին ատյանի դատարանը թույլ է տվել դատական սխալ:

Այսօր վերաքննիչ քրեական դատարանում Ռոբերտ Քոչարյանի և մյուսների գործով դատական նիստի ժամանակ ասաց դատախազ Կարեն Բիշարյանը:
Նա նշեց, որ քրեադատավարական օրենքի էական խախտում է տեղի ունեցել, որն արտահայտվել է մասնավորապես Սահմանադրական դատարան դիմելու նպատակով քրեական գործի վարույթը կասեցնելու իրավունք վերապահվող Քրեական դատավարության օրենսգրքի 31-րդ հոդվածի երկրորդ մասի խախտմամբ:
Բիշարյանի խոսքով, դրա արդյունքում առաջին ատյանի դատարանը կայացրել է անօրինական և անհիմն դատական ակտ:

‹‹Կարծում ենք, որ այս բողոքը քննելու, լուծելու և պատասխանելու համար Վերաքննիչ դատարանի առաջ բարդ խնդիր առաջադրված չէ», ասաց դատախազը:

Հեղինակ` Սոնա Գեւորգյան