Փաստ ինֆո

Պետական վերահսկողական ծառայությունը սկսել է ուսումնասիրությունները ՀՀ ոստիկանությունում։ «Փաստինֆո»-ի այս տեղեկությունը հաստատեց ՊՎԾ մամուլի խոսնակ Սեդա Աղբալյանը։

Ավելի վաղ ՊՎԾ-ն հայտարարել էր, որ համապատասխան հանձնարարագրերի հիման վրա ուսումնասիրություններ է իրականացնելու ՀՀ ոստիկանությունում՝ 2014-2019 թթ. գնումների գործընթացների օրինականության և արդյունավետության վերաբերյալ։

Սեդա Աղբալյանը «Փաստինֆո»-ին հայտնեց, որ ուսումնասիրություններ իրականացվել են հունիսի 13-ին եւ 14-ին, եւ դրանք դեռ ընթացքի մեջ են. «Ուսումնասիրությունները երկար են տեւում, արդյունքների մասին ավարտից հետո կտեղեկացվի»։

Ի պատասխան մեր այն հարցին, թե որն է շարժառիթը Ոստիկանությունում ուսումնասիրություններ իրականացնելու, Սեդա Աղբալյանն ասաց. «Շարժառիթ չկա, ուսումնասիրությունն իրականացվում է համապատասխան հանձնարարագրի հիման վրա»։

Ոստիկանությունում հայտնաբերված չարաշահումներով քրեական գործ է հարուցվել

Նշենք, որ մայիսին եւս ՊՎԾ-ն ուսումնասիրություններ է իրականացրել  ոստիկանությունում՝ կապված տրանսպորտային միջոցների հաշվառման համարանիշերի գնման գործընթացների հետ, որի ժամանակ արձանագրել են որոշ  խախտումներ եւ համապատասխան նյութերն ուղարկել իրավապահներին։ Դրանց հիման վրա 

ՀՔԾ-ում հարուցվել է քրեական գործ՝ ՀՀ ՔՕ-ի 308-րդ և 310-րդ հոդվածների հատկանիշներով՝ պաշտոնեական դիրքը չարաշահելու, ձեռնարկատիրական գործունեությանն ապօրինի մասնակցելու համար։

Նոր ուսումնասիրության արդյունքների մասին տեղեկություններ առայժմ չկան։

Հեղինակ` Միլենա Խաչիկյան