Փաստ ինֆո

Ամենաբարձր մանդատն ու վստահություն ստանալը հանրության կողմից դեռեւս չի նշանակում, որ  պետք է Հայաստանի բոլո համայնքներում կենաց-մահու կռիվ մղի` իշխանությունը վերցնելու համար: Այսօր Քաղաքացիական պայմանագիր կուսակցության համագումարի ժամանակ լրագրողներին ասաց ՔՊ-ական Սուրեն Պապիկյանը:

Ըստ նրա`  յուրաքանչյուր քաղաքական կուսակցության խնդիրն է իշխանություն ունենալ նաեւ տեղերում:  «Դա բնական գործընթաց է, բայց դրան ծառայեցնել բոլոր մեխանիզմները, որ կարող է ունենալ իշխանական կուսակցությունը` մենք այդ ճանապարհով չենք գնալու եւ չենք գնացել շուրջ մեկ տարի: Եթե խնդիրներ ունենք, ապա այդ խնդիրները  պետք է փնտրենք մեր ներսում», - ասաց Ս.Պապիկյանը:

Նա ոռաջին քայլերից մեկը համարեց հետհեղափոխական շրջանում կուսակցության ղեկավար կազմի ընտրություններն են, որոնք  իրենց հետ բերելու են տարբեր փոփոխություններ, նոր խորհուրդների ձևավորումներ, տարածքային կազմակերպությունների ստեղծում:

Նա նշեց, որ Քաղաքացիական պայմանագիր կուսակցության վարչության թիվը համագումարի ժամանակ ընդլայնելու առաջարկ է լինելու, սակայն նոր վարչությունը խնդիր է ունենալու վերաձևավորել կուսակցական տեղական կառույցները:

‹‹Բազմաթիվ քաղաքացիներ հայտ են ներկայացրել մեր կուսակցությունն մտնելու, բայց նրանց դիմումները դեռևս բավարարված չեն››,-ասաց Պապիկյանը:

Լրագրողի հարցին, չափանիշներ կա՞ն ընտրության հարցում, Պապիկյանը պատասխանեց, որ դա լինելու է առաջիկա վարչության խնդիրներից մեկը:

Նա նշեց, որ կուսակցությունն ունի օրենքով սահմանված թվից ավելի անդամներ, սակայն վերջին մեկ տարում սահմանափակ թվով մարդիկ են համալրել ՔՊ-ի շարքերը:

Մանրամասները՝ տեսանյութում

Հեղինակ` Սոնա Գեւորգյան