Փաստ ինֆո

Իմ կարծիքով հրաժարականների շարանն արդեն իսկ հուշում է, թե ինչպես է աշխատել ԲԴԽ-ն և եթե իրենք էլ հասկանային, որ լավ ու արդյունավետ են աշխատել, չէին լինի հրաժարականներն ու կոնֆլիկտը, որ եղավ ԲԴԽ-ի ու դատարանների միջև:

Այսօր լրագրողների հետ զրույցում նման տեսակետ հայտնեց բարձրագույն դատական խորհրդի անդամի թեկնածու Գրիգոր Բեքմեզյանը:
Ըստ նրա՝ դեռևս մեկ տարի է, ինչ ԲԴԽ-ն աշխատում է, և դա բավարար ժամանակահատված չէ գնահատական տալու համար:

‹‹Փաստ է, որ մենք ունեցանք դատական համակարգի ճգնաժամ, և այդ ճգնաժամի մեջ մեղադրում էին նաև ԲԴԽ-ին: Այսինքն, մենք չենք կարող ամբողջովին արդյունավետ համարել ԲԴԽ-ի աշխատանքը››,-ասաց Բեքմեզյանը:

Նրա խոսքով, երբ դատական համակարգը սկսեց ներկա իշխանություններից ցուցում չստանալ, մտածեց՝ ումի՞ց ստանա հանձնարարականներ, և դրա արդյուքում կազմավորման խնդիր եղավ: Իմ մասով կարող եմ ասել, որ միշտ եղել եմ անկախ և այս պահին կարևոր պայման եմ դրել, որ չեմ գնում ԲԴԽ որպես ‹‹Իմ քայլը›› խմբակցության ներկայացուցիչ, ես գնում եմ որպես ԱԺ-ի կողմից ընտրված անդամ››,-ասաց ԲԴԽ անդամի թեկնածուն:

Նա նշեց, որ այն համգամանքը, թե՝ ներկա պահին իշխանությունները չեն ազդում դատական համակարգի վրա, իրեն հույս է տալիս հավատալու, որ եթե հետագայում ԲԴԽ անդամ դառնա, իշխանությունները չեն փորձելու իր վրա ազդել:

‹‹Եթե նման փորձ արվեց, ես առաջինն եմ բարձրաձայնելու, այսինքն թույլ չեմ տա, որ իմ հեղինակությունն ինչ-որ կերպ նսեմացվի››,-ասաց Բեքմեզյանը:

Աղբյուր` Փաստինֆո