Փաստ ինֆո

Վերաքննիչ քրեական դատարանում քիչ առաջ նիստը նախագահող դատավոր Արմեն Դանիելյանին ինքնաբացարկ հայտնելու միջնորդություն ներկայացրեց նաև Ռոբերտ Քոչարյանի ֆրանսիացի փաստաբան Սևակ Թորոսյանը։ Նա ազգությամբ հայ է, ապրում, աշխատում է Ֆրանսիայում։

«Դուք չեք կարող քննել այս գործը, պարզապես չեք կարող։ Երբ ես որոշ ուսումնասիրություններ անցկացրեցի շատ հետաքրքիր կարծիք ունեցա հեղափոխությունից հետո Հայաստանում արդարադատության վերաբերյալ։ Այսօրվա առարկան ու խնդիրը միայն Ռոբերտ Քոչարյանին չի վերաբերում, այլ վերաբերում է ազատության սկզբունքին, անմեղության կանխավարկածին, և սա է պատճառը, որ ես այդքան կիլոմետր հատել եմ ու եկել այստեղ», - հայտարարեց փաստաբանը։

Սևակ Թորոսյանը նաև նշեց, որ գնահատման արդյունքների համաձայն, դատավոր Արմեն Դանիելյանը շատ ցածր վարկանիշ ունի ու վկայակոչելով այդ տվյալները, հորդորեց Դանիելյանին ինքնաբացարկ հայտնել։

«Գործի վարույթը պետք է վստահվի ավելի բարձր վարկանիշ ունեցող դատավորի, փաստաբանների բարձր գնահատանքին արժանացած դատավորի։ Որպեսզի հանգստացնեք դատախազությանը, եկեք ամենամեծ հանգստությամբ ինքնաբացարկ հայտնեցեք, գոնե պաշտպանական կողմը նույնպես կհանգստանա, և վստահ եմ, որ հետո ձեր հանգստությունը կհիշեք», - ասաց Թորոսյանը։

Նշենք, որ Ռ.Քոչարյանի ավելի վաղ ինքնաբացարկ էին հայտնել նաեւ Ռոբերտ Քոչարյանի պաշտպան Հայկ Ալումյանն ու Յուրի Խաչատուրովի պաշտպան Միհրան Պողոսյանը, ինչը դատարանն այսօր մերժել է: Դրանից հետո նրան ինկաբացարկ հայտնեց նաեւ տուժողի ներկայացուցիչ, փաստաբան Սեդա Սաֆարյանը` կասկածի տակ դնելով դատավոր Արմեն Դանիելյանի անաչառությունը, ինչին միացան նաեւ դատախազները։

Ապա ինքնաբացարկի նոր միջնորդություն ներկայացրեցին նաեւ Ռ.Քոչարյանի հայաստանյան փաստաբաննեերը` ի դեմս փաստաբան Արամ Օրբելյանի:

Մանրամասները՝ տեսանյութում

Աղբյուր` Փաստինֆո