Փաստ ինֆո

«Յուրաքանչյուր բարեփոխում ենթադրոմ է ֆինանսական ներդրում, իսկ ՀՀ բյուջեն համընդհանուր բյուջե է, եւ այն, գիտեք, դեիֆիցտով է»,-լրագրողների հետ զրույցում այսօր այս մասին ասել է Արդարադատության նախարար Արտակ Զեյնալյանը. «Մենք մեր միջոցները պետք է ծախսենք ըստ անհրաժեշտության, եւ պետք է որոշենք՝ ծախսում ենք կենսաթոշակ բարձրացնելու վրա, ջրամբար կառուցելու, քրեակատարողական հիմնարկ կառուցելու կամ նորոգելու թե մարդկանց վրա, որոնց իրավունքները խախտվել են»։

Արտակ Զեյնալյանի խոսքով՝ հիմա որոշում է կայացված դատավորների աշխատավարձերը բազմապատկելու. «Մենք դատավորների աշխատավարձերը պետք է բազմապատկենք, բազմիցս խոսել ենք նրա մասին, որ ներկայիս աշխատավարձը չափազանց քիչ է պատշաՃ համարվելու եւ կոռուպցիոն ռիսկերը կանխարգելելու համար։ Պետք է ավելացվի նաեւ դատավորների քանակը. ԵԽ-ում մեր դատավորների քանակն ամենաքիչն է, իրավական-ժողովրդական հասարակարգում գեներացվում է այնքան դատական վեճ, որի արդար դատաքննության իրավունքի բոլոր տարրեի պահպանմամբ լուծելու համար 100 հզ բնակչի հաշվարկով անհրաժեշտ է 21 դատավոր, մենք ունենք ընդամենը 7, եւ մեզ մոտ դատավորների աշխատավարձը ԵԽ-ում դարձյալ ամենացածրն է, նախավերջին տեղում գտնվող Մոլդովայինը մեզ գերազանցում է 3 անգամով»։

Զեյնալյանը նշեց, որ որոշում է կայացվել դիմել միջազգային հանրությանը կամ միջոցներ գտնել աշխատարձերը հատուցել այդ միջոցների հաշվին. «Որպեսզի հանրությունը տեսնի  դրա դրական արդյուքնները եւ վստահ լինի, որ այս ոլորտում ներդրումները օգակար են, շահավետ եւ փոխհատուցվում են բազմապատիկ անգամ»։

Աղբյուր` Փաստինֆո