Փաստ ինֆո

Քննիչ հանձնաժղովը պարտավոր է հրավիրել Նիկոլ Փաշինյանին և ստանալ պարզաբանումներ, թե ինչ նկատի ուներ նա, երբ ասում էր՝ Ապրիլյան պատերազմի մեջ մեղավորը Ռուսաստանն է։ Այսօր մամուլի ասուլիսի ժամանակ ասաց ՀՀԿ փոխնախագահ Արմեն Աշոտյանը։

Վերջինիս կարծիքով ապրիլյան պատերազմի հետ կապված գործընթացը քննող հանձնաժողովի ստեղծումը Նիկոլ Փաշինյանը պատահական ժամանակահատված չընտրեց, - «1 տարվա ընթացքում քննիչ հանձնաժողովի ստեղծման մասին որտե՞ղ եք լսել։ Որտե՞ղ եք լսել, որ Նիկոլ Փաշինյանի քաղաքական թիմը խոսեր այդ հարցրի մասին»։

Հարցին՝ ինչու իրենց քաղաքական ուժը ոչ քաղաքական նկատառումներից ելնելով դեռ երկու տարի առաջ  քայլեր չձեռնարկեց պատերազմից հետո մերկացված խնդիրները լուծելու համար՝ Արմեն Աշոտյանն ընդգծեց, որ խնդիրներ բացահայտվել ու  լուծվել են, եղել են նաև պաշտոնանկություններ, սակայն առանց շոուների.

«Եթե սպասում էիք, որ ինչ-որ մեկի կոկորդից բռնած պետք է Հանրապետության հրապարակում ի լուր համայն աշխարհի արյուն ֆշշար, ապա ոչ», - ասաց Ա. Աշոտյանը՝ հարցնելով որն է պատճառը, որ հարցը պետք է տեղափոխվի ԱԺ։

«Իմաստը որն է, որ ընկնի մարդկանց ձեռք, որոնք ընդամենը ֆրակցիոն բաշխվածության սկզբունքով ընկել են այդ հանձնաժողով, որտեղ մասնագիտական կարողությունների լուրջ խնդիր կա, որտեղ ոչ մի 2-3 հրավիրյալ փորձագետ այդ հարցերը չի լուծելու և որտեղ պարզվումէ  հանձնաժղովի նիստերն էլ փակ են լինելու»։

Ինչ վերաբերում է ՀՀ երկրորդ նախագահ Ռոբերտ Քոչարյանի գործին Արմեն Աշոտյանն ասաց, - «Խնդիրը, որը մենք մեկ տարի դրել ենք Քոչարյանի գործով, այն չէ, որ մենք այս պահին ունենք քաղաքական շահերի համընկնում։ Խնդիրն ավելի խորքային ու արժեհամակարգային է»։ ՀՀԿ փոխնախագահի պնդմամբ Ռոբերտ Քոչարյանի դեմ հարուցված գործը բացառապես քաղաքական է, քանի որ այն չունի լուրջ սահմանադրական կամ իրավական հիմնավորում։

Աղբյուր` Փաստինֆո