Փաստ ինֆո

Չինական ավիաընկերության ուղեւորը փորձել է ստիպել օդանավակայանի աշխատակցին ծնկի իջնել եւ ներողություն խնդրել թռիչքի հետաձգման համար: Այդ մասին հաղորդել է Daily Mail:

Միջադեպը տեղի է ունեցել Չժենչժոու օդանավակայանում, West Air ինքնաթիռի դեպի Շենչժեն մեկնելուց առաջ: Երբ պարզվել է, որ չվերթը հետաձգվում է անբարենպաստ եղանակային պայմանների պատճառով՝ ուղեւորներից մեկը սկսել է ագրեսիվ պահել իրեն եւ պահանջել ավիաընկերության աշխատակցից, որպեսզի ներողություն խնդրի:
«Դու պետք է ծնկի իջնես՝ ներողություն խնդրելու համար: Դա քո պարտականությունն է », - ասել է ճանապարհորդողը ցանցում տեղադրված տեսանյութում:

Սակայն West Air- ի աշխատակիցը փորձել է ինքն իրեն պաշտպանել. «Ես սովորական աշխատող եմ եւ կատարում եմ իմ պարտականությունները: Պետք չէ ստորացնել  ինձ», - պատասխանել է նա:

Ուղեւորի վարքը քննադատության ալիք է բարձրացրել ցանցի օգտատերերի մոտ, որոնք տեսել են տեսանյութը: «Պետք է արգելել նրան ինքնաթիռներով թռչել իր ողջ կյանքի ընթացքում, եւ երբ պահանջի, որ արգելքը հանեն՝ ստիպեք նրան ծնկի գա», - գրել է մեկնաբանողներից մեկը: «Իրականում ուշացումը պայմանավորված էր եղանակային վատ պայմաններով, ոչ թե անձնակազմի սխալմունք էր», - ավիաընկերության աշխատակցին պաշտպանել է մեկ այլ օգտատեր:

Ավելի ուշ ավիաընկերության ներկայացուցիչը հաստատել է, որ այդ օրը Չժենչժոյից մինչեւ Շենժեն երկու չվերթներներն էլ  հետաձգվել են եղանակային պայմանների պատճառով:

Աղբյուր` Փաստինֆո