Փաստ ինֆո

Ուորիկշիր անգլիական կոմսությունում բժիշկները փրկել են առանց մաշկի ծնված երեխային, գրում է Lenta.ru- ն՝ հղում անելով Daily Star-ին:

2018 թ-ի նոյեմբերի 24-ին 19-ամյա Ջեսիկա Քիբբլերը (Jessica Kibbler) ծննդաբերել է իր առաջնեկին՝ Կայդեն Ջեյք Շատթոքին (Kaiden Jake Shattock),  հղիության յոթերորդ ամսվա ընթացքում (30-րդ շաբաթը): Նորածնի քաշը եղել է 1,1 կգ: Նրա մարմնի վրա մաշկի միայն երկու տոկոսն էր: Բժիշկները նորածնի ծնողներին զգուշացրել են, որ իրենց փոքրիկի ապրելու հավանականությունը չափազանց փոքր է:

«Երբ բուժքույրերն առաջին անգամ ցույց տվեցին մեզ  Կայդենին, նա կարմիր էր, ինչպես հում մսի մի կտոր», - ասում է Քիբբլերը: «Եվ մենք՝ առանց երեխայի դաստիարակության որևէ փորձի 19-ամյա ծնողներս, տեսանք այդ թույլ և հիվանդ երեխային»: Նրա խոսքերով, բժիշկներն արել են ամեն ինչ, որպեսզի մեղմեն երեխայի տառապանքները: Մեկուկես ամսվա ընթացքում մաշկը մի փոքր աճել է: Ամբողջ այդ ժամանակահատվածում երեխան պառկել է առանց հագուստի. ցանկացած հպում մարմնին առաջացնում էր գրգռում և ցավ:

Ծնված օրվանից փոքրիկը պայքարել է այնպիսի հիվանդությունների հետ, ինչպիսիք են սեփսիսը (արյան վարակում), նեկրոտիկ էնտեռոկոլիտ (աղիքային հիվանդություն), բնածին հերպես, բրոնխիտ և այլն: Մայիսի սկզբին փոքրիկին վիրահատել են` նրա որովայնի մաշկից փոխպատվաստում են կատարել աջ ձեռքին: Կայդենին սպասվում են առնվազն չորս նման վիրահատություններ:

Աղբյուր` Փաստինֆո