Փաստ ինֆո

Հայաստանի Հանրապետության արդարադատության նախարարության  քրեակատարողական ծառայության պետ, արդարադատության գնդապետ Արտյոմ Մխոյանն ընդունել է Միջազգային իրավական համագործակցության գերմանական հիմնադրամի (IRZ) Հարավկովկասյան բաժնի նոր ղեկավար  Ֆրանկ Հուփֆելդին և IRZ հիմնադրամի հայաստանյան ծրագրերի համակարգող Նելլի Թումասյանին: Ինչպես  հայտնեցին ՀՀ ԱՆ քրեակատարողական ծառայության հանրային կապերի բաժնից, հանդիպմանը ներկա են գտնվել նաև Ծառայության պետի տեղակալ, արդարադատության գնդապետ Հայկ Քոչինյանը և Քրեակատարողական ծառայության շտաբի պետ, արդարադատության կապիտան Ռուբեն Դարբինյանը:

Հանդիպման հիմնական նպատակը IRZ-ի հետ անցած տարիների համագործակցության արդյունավետության և նոր առաջարկվող ծրագրերի առաջարկն ու քննարկումն էր:

Ա. Մխոյանը, ողջունելով հյուրերին, նախ շնորհակալություն է հայտնել  Միջազգային իրավական համագործակցության գերմանական հիմնադրամի (IRZ) Հարավկովկասյան բաժնի նախկին ղեկավար Թերեզա Թալհամերին՝ նշելով, որ Ծառայությունն այս տարիների ընթացքում արդյունավետ համագործակցություն է ունեցել IRZ-ի հետ, ապա հույս հայտնել, որ առկա փոխգործակցությունը կկրի շարունակական բնույթ և ավելի կամրապնդվի, իսկ Ծառայությունը, ինչպես միշտ, պատրաստ է աջակցելու և իրականացնելու նախատեսված ծրագրերը: 

Ծառայության պետի տեղակալ Հ. Քոչինյանը, հայտնելով իր շնորհակալությունը համագործակցության համար, փաստել է հատկապես այն հանգամանքը, որ նախորդ հանդիպումների և համագործակցության ընթացքում ներկայացված ծրագրերը փորձագետների կողմից ստացել են դրական արձագանքներ՝ շեշտելով նաև, որ ձեռքբերված տեսական գիտելիքները շատ կարևոր են, սակայն հետագայում աշխատանքներն է՛լ ավելի արդյունավետ իրականացնելու համար անհրաժեշտ են նաև գործնական ուսումնասիրություններ իրականացնել Գերմանիայի Դաշնային Հանրապետությունում:

Ֆրանկ Հուփֆելդն իր հերթին շնորհակալություն է հայտնել հանդիպման համար՝ նշելով, որ ակնկալում է կառուցողական համագործակցություն և Ծառայության պետի հետ քննարկել է համատեղ նոր ծրագրեր իրականացնելու հնարավոր ուղղությունները և ժամկետները:

Աղբյուր` Փաստինֆո