Փաստ ինֆո

Այն ինչ տեղի է ունենում Հյաստանի Հանրապետությունում մեծ բանավեճ է խենթության, ռոմանտիզի և իրատեսության միջև, և մեր քաղաքական խնդիրն է Հայաստանը դարձնել այնպիսի մարդկանց երկիր, ովքեր գիտեն, որ այդ խենթ գաղափարկերը կարելի է իրագործել ՀՀ-ում:

«Իմ քայլը հանուն Սյունիքի մարզի» ներդրումային բիզնես ծրագրերի համաժողովին ժամանակ ասաց ՀՀ վարչապետ Նիկոլ Փաշինյանը:
Վարչապետը նշեց, որ Հայաստանի տնտեսական զարգացումը պետք է հենվի անհատական ջանքի վրա:
«Կապ չունի՝ ինչ մակարդակի անհատական ջանք է դա, որովհետև այն ինչ մենք ունենք իրականում նախ ունենում ենք որպես գաղափար: Այս Տաթևը, որը Հայաստանի ամենագեղատեսիլ վայրերից մեկն է , ըստ էության, մեկ կամ մի քանի մարդկանց գաղափար էր, որն իրագործվեց, և դժվար է ասել ի սկզբանե ինչքան մարդ կար, որ հավատում էր դրան կամ չէր հավատում»,-ասաց ՀՀ վարչապետը:

Փաշինյանի խոսքով, իրենց մեծագույն խնդիրն է ՀՀ-ում հնարավորինս շատ մարդու ստեղծագործելու, մտածելու, երազելու և այդ երազանքը իրագործելու համարձակությամբ օժտելը:

«Այս տնտեսական մարզային ֆորումները նաև այդ նպատակին են ծառայում, որպեսզի այս ուղերձը հղենք բոլոր մարզերի բնակիչներին, որովհետև տնտեսական զարգացումը առաջին հերթին հենվում է անհատների վրա»,-նշեց Նիկոլ Փաշինյանը:
Վարչապետը կարևորեց նաև խոշոր ընկերությունների մուտքը հանրապետություն, սակայն ընդգծեց, որ իր խորին համոզմամբ խոշոր ներդրողները առաջին հերթին տաղանդավոր մարդկանց ետևից են գնում:

«Մեր խնդիրն է ցույց տալ, որ ՀՀ-ում ապրում են տաղանդավոր մարդիկ, որոնք կարող են ոչ միայն իրենց երազանքներն իրականացնել, այլև միջավայր ստեղծել ուրիշների երազանքների համար»,-ասաց Նիկոլ Փաշինյանը:

ՀՀ վարչապետը նշեց, որ Հայաստանում ապրում են տաղանդավոր մարդիկ որոնցից շատերը գուցե այդ մասին չգիտեն, և իրենց խնիդրն է այնպես անել, որ նրանք տեսնեն, հավատան և հաղթեն:

Աղբյուր` Փաստինֆո