Փաստ ինֆո

«Այսօր մեր ունեցած տնտեսական աճն ավելի շատ կատարվել է իներցիայի շնորհիվ, որ բիզնեսները չեն դադարել գործել։ Բայց դա հավերժ չէ, մի օր այն կանգ կառնի», - «Փաստինֆո»-ի հետ զրույցում ասաց Հայաստանի գործատուների միության նախագահ Գագիկ Մակարյանը՝ խոսելով ՓՄՁ-ների վրա տնտեսական ներկայիս նախադրայլների ազդեցության մասին։

Վերջինիս  խոսքով այսօր տնտեսությունը զարգանում է իներցիայի շնորհիվ՝ չկան խանգարողներ, դիմադրություններն էլ  քիչ են, սակայն անհրաժեշտ է  է արագություն տալ, ինչի ուղղությամբ  Գագիկ Մակարյանի կարծիքով օերսնդիր և գործադիր մարմինները պետք է լուրջ աշխատանք ծավալեն։

«Պետական պաշտոնյաներն օերնսդրական բարեփոխումներն Ազգային ժողովում պետք է արագ կատարեն՝ ապահովելու տնտեսկան աճ։ Կան ներդրողներ, բայց պետք է վստահ լինեն՝ անակնկալներ չեն լինի», - ասաց Գագիկ Մակարյանը՝ ավելացնելով՝ պետությունը հպարտանալու տեղ ունի, որ հեղափոխության շնորհիվ բիզնեսի ճանապարհից մաքրել է դիմադրությունները, բայց նաև արագացում պետք է հաղորդի։ Գագիկ Մակարյանը նաև նշում է, որ ճիշտ է փոխվել են բազմաթիվ նախադրյալներ, բայց դրա փոխարեն վատ է կատարվում գնումների գործընթացը, ռեֆորմները, փոփոխություններն էլ դանդաղում են։ Հարցին՝ ինչպես կարող ենք անել, որ տեղի ունեցած փոփոխությունները շարքային քաղաքացիներն էլ զգան, Գագիկ Մակարյանը պատասխանեց, - «Անփորձ, գոռոզամիտ մարդիկ պետք է հեռանան, գան պրոֆեսիոնալները։ Ընդ որում պետք չէ սպասեն վարչապետի հրամանին, էլեմենտար պատասխանատվություն պետք է ունենան հեղափոխության և ժողովրդի հանդեպ»։ Տնտեսագետի կարծիքով  կառավարությունից պետք է հեռանա առնվազն 5 նախարար, 15 փոխնախարար, 10 կոմիտեի կամ ծառայությունների ղեկավար, 7-8 մարզպետ։

Անդրադառնալով  «Հարկային օրենսգրքում» սպասվելիք փոփոխությունների ազդեցությանը  փոքր ու միջին ձեռնարկությունների վրա՝ Գագիկ Մակարյանն ասաց, որ օրինակ եկամտահարկի համահարթեցումը գրեթե չի ազդի ՓՄՁ-ի վրա։ Պատճառը պարզ է. աշխատողների մոտ 70 %-ի աշխատավարձը հասնում է մինչև 150 հազար դրամ, իսկ ՓՄՁ ոլորտում աշխատող տեխնոլոգների, մենեջերների կամ բարձր վարձատրվող մյուս աշխատակիցներ համահարթեցման շնորհիվ մի փոքր կշահեն, քանի որ շեմը 28 %-ից կիջեցվի 23 %-ի։

Գագիկ Մակարյանի պնդմամբ Հայաստանում փոքր ու միջին ձեռնարկությունների խնդիրները լուծելու համար դրանք նախ պետք է դասակարգվեն, - «Առևտրի ոլորտում գործող միկրոձեռնարկությունները տիպային այլ խնդիրներ ունեն, արտադրություն իրականացնող փոքր բիզնեսներն ուրիշ խնդիրներ»։

Գործատուների նախագահի խոսքով որքան պակասում է առևտրով զբաղվողների եկամուտը, այնքան վերջիններս փորձում են այնպես անել, որ պետությունը հարկերը նվազեցնի, ինչը, սակայն, տնտեսագետի համոզմամբ ճիշտ չէ։

«Պետությունը չպետք է այդքան իջեցնի հարկային շեմը, բայց ուրիշ միջոցներ պետք է ձեռնարկի։ Օրինակ կանխարգելի միգրացիան, խթանի հայրենադարձությանը, ստեղծի պայմաններ, որ բնակչությունն աճի»։ Տնտեսագետի կարծիքով այսկերպ կկարողանանք ավելացնել բնակչությունը, ինչն էլ ուղղակիորեն կազդի ներքին շուկայի զարգացման և միկորբիզնեսի եկամտի աճի վրա։

Աղբյուր` Փաստինֆո