Փաստ ինֆո

Երեկ Ազատության հրապարակում տեղի ունեցած հավաքի ժամանակ մասնակիցների կողմից հնչեցվել են սպառնալիքներ պարունակող արտահայտություններ, որոնք դարձվել են քննության առարկա։ Այս մասին «Փաստինֆո»-ն տեղեկացավ ՀՀ ոստիկանությունից:

«Կատարված արարքում հանցագործության հատկանիշներ պարզելու ուղղությամբ ոստիկանությունն իրականացնում է ստուգում քրեադատավարական գործողություններով», - հայտնում է ոստիկանությունը։

Ավելի վաղ «Փաստինֆո»-ն տեղեկացրել է, որ ի պաշտպանություն Նիկոլ Փաշինյանի հրավիրված հանրահավաքում կազմակերպիչներից մեկը` Ջիվան Աբրահամյանն սպառնալիքներ է հնչեցրել Արցախի Հանրապետության նախագահի հասցեին։

Գեներալ- լեյտենանտը պահանջում է` քննություն սկսել Բակո Սահակյանի նկատմամբ բռնություն գործադրելու մասին Ազատության հրապարակում հնչած հայտարարությունների առթիվ

Մասնավորապես նա հայտարարել է, որ ՀՀ երկրորդ նախագահ Ռոբերտ Քոչարյանին Արցախում ընդունելու դեպքում` «քարով կցխեն Արցախի նախագահ Բակո Սահակյանի գլուխը»:

 NEWS.am-ի հետ զրույցում ՀՀ ոստիկանության լրատվական վարչության պետի տեղակալ Էդգար Ջանոյանը տեղեկացրել է, որ Ջ.Աբրահամյանը բերման է ենթարկվել. «ոստիկանության Կենտրոնականի բաժին է բերման ենթարկվել քաղաքացի Ջ. Ա.-ն., եւ այժմ դեպքի առթիվ նախապատրաստվում են նյութեր»:

Հարձակվել են 5-րդ ալիքի լրագրողի վրա. Հարությունյան

Հայտարարությանն արձագանքել է նաեւ Արցախի հերոս Արշավիր Ղարամյանը` դիմելով ԱՀ գլխավոր դատախազին` սպառնալիքներ պարունակող հայտարարությունն օրենքով սահմանված կարգով քննության առարկա դարձնելու համար:

«Փաստինֆո»-ի հաղորդմամբ` նույն Ջիվան Գասպարյանն է եղել նաեւ դատարանի մոտ ընդդեմ Ռոբերտ Քոչարյանի կազմակերպած ակցիաների կազմակերպիչներից մեկը:

Աղբյուր` Փաստինֆո