Փաստ ինֆո

Ինձ համար կտրականապես անընդունելի է նմանատիպ ցանկացած հրապարակային ելույթ, հատկապես երբ Ադրբեջանը նախաձեռնել է լայն մասշտաբի զորավարժություններ Արցախի սահմանի վրա: ‹‹Փաստինֆո››-ի թղթակցի հետ զրույցում ասաց ‹‹Մեկ Հայաստան›› կուսակցության նախագահ Արթուր Ղազինյանը, անդրադառնալով ՀՀ վարչապետ Նիկոլ Փաշինյանի հայտարարությանը, որ փորձ է արվում դավադիր պատերազմ հրահրել և որոշ տարածքներ հանձնելու պատասխանատվությունը Հայաստանի կառավարության վրա դնել: Նշենք, որ վարչապետն այս ամենը որակել էր որպես պետական դավաճանություն:

‹‹Փնտրել դավաճանություն, դավադրություն, հատկապես Արցախում,  ինչ-որ բառեր արտասանել այդ ուղղությամբ, ես դա առնվազն անլուրջ եմ համարում: Հող հանձնել, որևէ դավադրություն կազմակերպել Արցախում ոչ ոք չի ուզում››,-ասաց Ղազինյանը:

Նպա համոզմամբ՝ վարչապետի հայտարարությանը, թե կան ուժեր, որոնք ծառայում են օտար շահին և օտար գործակալ լինելու մասին մեղադրանքներին պետք է հետևեն կոնկրետ բացահայտումներ, կոնկրետ ձերբակալություններ պետության վստահելիությունը, իմիջը պահպանելու և բարձրացնելու համար:

‹‹Եթե այդպիսիք հայտնի չեն ԱԱԾ-ին ապա դրա մասին խոսելն առնվազն անլրջություն է››,-ասաց ‹‹Մեկ Հայաստան›› կուսակցության նախագահը:

Ղազինյանի կարծիքով՝Փաշինյանի այս հայտարարությունը քաղաքական էր, ենթատեքստը իր համար պարզ է, բայց չի ուզում բարձրաձայնել՝ հաշվի առնելով ազգային անվտանգության մարտահրավերները:

Խոսելով Արցախի Հանրապետության նախագահների՝ ՀՀ երկրորդ նախագահ Քոչարյանի խափանման միջոցի փոփոխման համար տրված երաշխավորության մասին, Ղազինյանն ասաց՝ վարչապետն ինքն էլ ասել է, որ ԱՀ նախագահը իրեն տեղյակ է պահել դատարան գնալու որոշման մասին և Փաշինյանը հանգիստ կարող էր թույլ չտալ՝ ասելով, որ դա անընդունելի է, որովհետև կարող է քաղաքական խնդիր առաջանալ:

‹‹Փաշինյանը  մարդկայնորեն նորմալ համարեց դա, քաղաքական առումով խնդիրներ տեսավ, հետևաբար ԱՀ երկու նախագահների դատարան գնալու համաձայնություն տալով փաստացի դատավորը կանգնեց երկընտրանքի առաջ. կամ մերժել երկու նախագահների երաշխավորությունը, ինչը բացարձակ անհարգալից վերաբերմունք կլիներ, կամ ընդունել և փոխել խափանման միջոցը››,-ասաց Ղազինյանը:  

Կուսակցության նախագահը չի կարծում, որ վարչապետն այս ամենը հաշվի չի առել, սակայն նշեց, որ Քոչարյանի խափանման միջոցի փոփոխումից հետո բավականին հետաքրքիր բենեֆիցիար կարող է դառնալ, քանի որ վերջապես հնարավորություն կստեղծվի Ռուսատանի նախագահի հետ ուղղակի շփման մեջ մտնելու, ինչը, իր խոսքով, վերջին շրջանում կարծես չկար:

Մանրամասները՝ տեսանյութում

Հեղինակ` Սոնա Գեւորգյան