Փաստ ինֆո

Այն հանգամանքը, որ Հայաստանի հանրությունը չունի վստահություն դատական համակարգի նկատմամբ, իսկ դա ակնհայտ է, արդեն իսկ խոսում է այն մասին, որ  լրջագույն և արագ, գիտակցված որոշումներ կայացնելու ժամանակն է: Այսօր Ազգային ժողովում անցումային արդարադատության թեմայով լսումների ժամանակ ասաց ԱԺ նապագահ Արարատ Միրզոյանը:

Նա նշեց, որ կիսում է միջազգային փորձագետների հնչեցրած այն գնահատականները, որ եթե կիրառվի անցումային արդարադատություն ապա ճիշտ ժամանակը հիմա է և չէր կարելի դա անել շուտ, հապճել կամ  չի կարելի հապաղել, ուշացնել:

«Անցումային արդարադատության նպատակը վերջնական, անկախ դատական համակարգի ձևավորումն է: Այս օրերին շատ խոսվեց այն մասին, որ իշխանության մյուս թևերը որևէ կերպ չեն ազդում դատական համակարգի որոշումների վրա, բայց միևնույն ժամանակ դատական համակարգը կարծես շարունակում է ազդեցություններ կրել այլ շրջանականերից»,-ասաց Միրզոյանը:

ԱԺ նախագահն ընգծեց՝ անցումային արդարադատությունը նպատակ ունի ոչ թե ավելի սրել եղած խնդիրները, այլ տալ լուծում և հանգեցնել հանրային համերաշխության:

Միրզոյանի խոսքով, եթե անցումային արդարադատությունը մի ծով է, որի ափին  կանգնած ենք, ապա չափազանց կարևոր է հասկանալ՝ ինչ չափով ենք մտնում այդ ծովը, որովհետև եթե մտնում ենք ոչ բավարար չափով ապա պետք է ասենք՝ չեն բավարարվի հասարակության ակնկալիքներն:

«Եթե խորանում ենք այդ ծովում ավելի քան անհրաժեշտ է, ապա կարող ենք հանգել ոչ ինստիտուցիոնալ լուծումների, ինչը որևէ կերպ չի կարելի թույլ տալ»,-նշեց ԱԺ նախագահը:

Միրզոյանն ասաց, որ պետք է հասկանալ ի վերջո դատական համակարգը ներկայացնու՞մ է ՀՀ քաղաքացիներին և իրականացնու՞մ է նրանց կողմից պատվիրակված լիազորությունները, թե՞ ոչ:

ԱԺ նախագահի խոսքով, անցումային արդարադատությունը պիտի օրինական ճանապարհով աջակցի, մաքրի, զտի և կայացնի գործող դատական համակարգը:

Հեղինակ` Սոնա Գեւորգյան