Փաստ ինֆո

Վերլուծաբան, իրավաբան Արգիշտի Կիվիրյանի դիտարկմամբ՝ ՀՀ վարչապետ Նիկոլ Փաշինյանը պարտավոր է հստակ անուններ ներկայացնել, այլապես կստացվի, որ նա զբաղված է խառնակչությամբ։

«Նիկոլը պարտավոր է հստակ անուններ տալ եւ փաստեր ներկայացնել իր այն հայտարարության կապակցությամբ, իբրեւ թե Արցախում առկա են պատերազմ հրահրող եւ հողեր հանձնող անձանք, այլ պարագայում կստացվի, որ Հայաստանի վարչապետի աթոռին է հայտնվել մի անպատասխանատու անձ, որը զբաղված է խառնակչությամբ, մուտիլովկաներով եւ ստեր տարածելով, ու այդ կերպ վտանգում է Հայաստանը, այդ թվում եւ Արցախը։ Անհամբեր սպասում ենք անունների եւ ծանրակշիռ փաստերի...»,-ֆեյսբուքում գրել է Ա.Կիվիրյանը։

Հիշեցնենք, որ մայիսի 20-ին վարչապետը հայտարարել էր, որ կան նախկին կոռուպցիոն համակարգը ներկայացնող կոնկրետ ուժեր, ովքեր փորձ են անում կյանքի կոչել իրենց կողմից նախկինում կիրառված բանաձեւը. այն է՝ տարաձայնություններ, հակասություններ եւ նույնիսկ թշնամանք հրահրել Արցախի եւ Հայաստանի ժողովրդի միջեւ՝ «Բաժանիր, որ տիրես» տրամաբանությամբ, նախկինում իրենց կողմից թույլ տրված կոռուպցիոն հանցագործությունները կոծկելու, արդարացնելու նպատակով:համակարգերի որոշ պաշտոնյաներ գործադրում են կոռուպցիոն կապերը՝ Արցախում Հայաստանի կառավարության եւ անձամբ վարչապետի դեմ ստահոդ քարոզչություն իրականացնելու համար: «Դեռեւս նախորդ տարվա խորհրդարանական ընտրությունների քարոզարշավին ասել եմ, որ այս ամենը վերլուծելով՝ դրա տակ տեսնում եմ ընդհուպ դավադիր պատերազմ հրահրելու, անգամ որոշ տարածքներ հանձնելու եւ տեղի ունեցածի պատասխանատվությունը Հայաստանի կառավարության վրա դնելու հեռահար նպատակ: Այս իմաստով՝ դա համարում եմ պետական դավաճանությանը նմանվող գործունեություն, եւ որպես Արցախի անվտանգության երաշխավորը հանդիսացող Հայաստանի Հանրապետության վարչապետ՝ պատերազմական իրավիճակներում Զինված ուժերի գերագույն հրամանատար, ձեռնարկելու եմ ամենակոշտ միջոցները այս դավադիր մտադրությունները արմատախիլ անելու համար»,- նշել էր վարչապետը:

Աղբյուր` Փաստինֆո