Փաստ ինֆո

Դոնի Ռոստովի Օկտյաբրի մարզային դատարանը յոթ տարվա ազատազրկման է դատապարտել Ռոստովի մարզի աշխատանքի նախարարության հաշմանդամների գործով բաժնի նախկին պետ Նելլի Վարդանյանին՝ կես միլիոն ռուբլու համարժեք կահույքի տեսքով կաշառք ստանալու համար, հաղորդում է ՌԻԱ Նովոստին` հղում անելով ՌԴ գլխավոր դատախազությունում իր աղբյուրներին:

Տեսչության տվյալներով, Վարդանյանը նպաստել է առևտրային կազմակերպության հաղթանակին` «Մատչելի շրջակա» ծրագրի շրջանակներում ստորադաս հաստատություններում կապիտալ վերանորոգման համար աճուրդներում և մրցույթներում:

«Պայմանագրերի կնքման և կատարված աշխատանքների ընդունման ակտերի ստորագրումից հետո առևտրային կազմակերպության տնօրենը 2016 թ-ի հուլիսից մինչև  2017 թ-ի մարտը ընկած ժամանակահատվածում կահավորել է պաշտոնյայի բնակարանը 480 հազար ռուբլի արժողությամբ կահույքով, ինչպես նաև փոխանցել է 50 հազար ռուբլի՝ համագործակցելու համար», - ասվում է տեղեկատվության մեջ:

Քրեական գործը հարուցվել է «Պաշտոնական անձի կողմից խոշոր չափերի կաշառք ստանալու» հոդվածով:

«Դատական որոշմամբ Նելլի Վարդանյանը մեղավոր է ճանաչվել, դատապարտվել է ընդհանուր ռեժիմի գաղութում 7 տարվա ազատազրկման,  1.6 միլիոն ռուբլի տուգանքի և 3 տարի ժամկետով զրկվել է պետական և տեղական ինքնակառավարման մարմիններում պաշտոններ զբաղեցնելու իրավունքից», - ասվել է հաղորդագրության մեջ:

Աղբյուր` Փաստինֆո