Փաստ ինֆո

Եվրոպական միության շենքի դիմաց ‹‹Ադեկվադ›› ՀԿ-ի անդմաները ակցիա են իրականացնում:

ՀԿ-ի նախագահ Արթուր Դանիելյանը պատասխանելով ‹‹Փաստինֆո››-ի թղթակցի հարցին, թե ինչո՞վ է պայմանավորված հենց Եվրամիության շենքի դիմաց ակցիայի անցկացումը և ինչ են պահանջում, ասաց. ‹‹Մենք առաջին հերթին ցանկանում ենք գրավել մեր բնակչության ուշադրությունն ու բոլոր նրանց ովքեր տեղյակ չեն, բացատրենք՝ ինչպես է տեղի ունեցել հեղաշրջումը Հայաստանում և ով է այն ֆինանսավորել››:

«Այն ամենը, ինչ տեղի է ունենում Հայաստանում առնվազն վերջին մեկ տարվա ընթացքում, մեծ մասամբ հովանավորվել է հենց այս կառույցի կողմից, ընդ որում՝ ոչ միայն ֆինանսապես, այլ նաև՝ բարոյապես, քաղաքականապես, կադրային առումով։ Հայաստանում սահմանադրական կարգի տապալման պրոցեսը ակնհայտորեն Եվրամիության օրակարգի մեջ էր», - ասաց «Ադեկվադ» խմբի անդամ Արթուր Դանիելյանը `ավելացնելով. ‹քանի որ իրենք են կառավարում այս պրոցեսը, ոչ մի նոր բան ես չունեմ իրենց ասելու, այն ինչ մենք անում ենք՝ իրազեկման ակցիա է մեր քաղաքացիների համար››,-նշեց նա:
Պատասխանելով հարցին՝ ՀՀ վարչապետ Նիկոլ Փաշինյանը այսօր ի՞նչ հայտարարությամբ հանդես կգա, Դանիելյանն ասաց, որ ենթադրում է հերթական կենացը կլինի:

‹‹Դե ինքն հայտարարել էր, որ հեղափոխության հաջորդ փուլը տնտեսական հեղափոխությունն է, հիմա պարզվեց, որ հաջորդ փուլը դատականն է, տնտեսականը նախավերջինից վերջինը կդառնա: Նման ինչ-որ բան է ասելու, ասելու է ‹‹ժողովուրդ դուխով››,‹‹Մենք բոլորս իրար սիրում ենք››: Ինչպես միշտ անբովանդակ բաներ է ասելու››,-ասաց Դանիելյանը:
ՀԿ-ի ղեկավարն ընդգծեց, որ ինքը դեռ դեկտեմբերից դադարել է Փաշինյանի ելույթները լսել և ոչ մի նորություն, փաստ չի վրիպել իր ուշադրությունից:

‹‹Փաստինֆո››-ն փորձեց ճշտել նաև՝ դատարանի բակում իրականացնող ակցիաները կամ վարչապետի սպասվելիք հայտարարությունը ինչ-որ կապ կարո՞ղ է ունենալ ՀՀ երկրորդ նախագահ Ռոբերտ Քոչարյանի գործի հետ:
‹‹Ենթադրում եմ, որ վարչապետի համակիրների շրջանակներում դժգոհություն կա, որ Քոչարյանի կալանքը փոխել են: Ես վստահ եմ, որ իր ցուցումով է դա փոխվել և ինչ-որ քաղաքական բանակցությունների արդյունք է››,-ասաց Դանիելյանը:
Նա նշեց, որ այն պրոցեսը, որը սկսվել է նաև կոչված է քողարկել դա, որպեսզի վարչապետն ասի ինքը կապ չունի Քոչարյանի ազատ արձակման հետ, մութ ուժերին են դա կազմակերպել:

Դանիելյանի խոսքով, այս ամենը հերթական շոուն է, որը միտված է պատասխանատվությունից խուսափելուն:
‹‹Ինձ համար ակնհայտ է, որ այս որոշումը արտաքին քաղաքական առևտրի արդյունք է և այդ առևտուրը կարող է նաև չկայանալ, կողմերը համաձայնության չգան ու Քոչարյանը նորից կալանավորվի››,-ասաց ‹‹Ադեկվադ›› ՀԿ-ի ղեկավարը:

Հեղինակ` Սոնա Գեւորգյան