Փաստ ինֆո

Շատ տհաճ զգացում ունեմ։ Կարողա՞ դեմոկրատիա բառը լրիվ սխալ են հասկանում մեր մոտ։ Նման կարծիք է հայտնել Հայաստան համահայկական հիմնադրամի նախկին գործադիր տնօրեն Արա  Վարդանյանը:

Նրա ֆեյսբուքյան գրառման մեջ ասվում է.

 «Դատարանի դիմաց հավաքվել ու Նախագահին վարկաբեկող կոչեր անել, Լևոն Քոչարյանի ավտոմեքենան շրջափակել, Հրանտ Մարգարյանի վրա հարձակվել, դատավորի հանդեպ ատելություն սերմացնել և այլն և այլն։

Սա՞ է մեր ուզած ժողովրդի իշխանություն ասածը: Բնավ ոչ, սա ապոկալիպսիս է, որը անխուսափելիորեն տանելու է մեր ազգի բնաջնջմանը։

Դեռ կողմերից մեկը չափից դուրս հանդուրժողական է։ Իրենք ուղակի ասում են՝ մի արեք այդպիսի բաներ և վերջ։ Բա մի պահ պատկերացրեք ինչ կլինի, եթե հանդուրժոկանությունը փոխակերպվի վրեժխնդրությամբ և համարժեք պատասխան տալու մոլուծքով։ Մի պահ ուղղակի պատկերացրեք։ Հրանտ Մարգարյանի վրա հարձակվածներին եթե փողոցում բռնեն ու ցույց տան իրենց տեղը, ինչին միանշանակ կհաջորդի պատասխանը և այսպես շարունակ.. Սա եք ուզու՞մ, լավ եք մտածել։ Ազգը կիսել եք սև և սպիտակի ու ոչ մի կերպ ձեր իսկ արած բաժանման տակից չեք կարողանում դուրս գալ, այլ հակառակը քանի գնում խորացնում եք դա։ Եվ մինչև ե՞րբ:

Մի պահ կանգ առեք և լուրջ մտածեք, սա է ձեր երազած Հայաստանը։ Դուք ինքներդ ամենավատ ձևով փչացրիք հեղափոխության գաղափարը և այն վերածեցիք վենդետաների իրականացման գործիքի։ Դա քիչ էր, հիմա էլ անցումային արդարադատություն.... Մեկ- մեկ ինձ թվում է, որ սա ինչ-որ վատ հեքիաթա, որտեղ չարը ու բարին խառնվել են իրար։

Կանգ առեք, քանի դեռ ուշ չէ։ Մի տարեք հասարակությունը դեպի քաղաքացիական պատերազմ։ Այդ դաշտում հաղթող և պարտվող չի լինելու, լինելու է Հայաստանի Հանրապետության որպես երկրի բնաջնջում։ Կա՜նգ առեք...»:

Աղբյուր` Փաստինֆո