Փաստ ինֆո

Սահամանամերձ համայքների հարկային արտոնությունները համարվում է ներդրումային գրավչության հիմնական բաղադրիչներից մեկը։ Այս մասին մամուլի ասուլիսի ժամանակ ասաց Տավուշի մարզպետ Հայկ Չոբանյանը։ Ակտիվությունը բարձրացնելու համար, սակայն,  հիմնական  երկու խնդիր կա, - «Առաջինը մարդկային ռեսուրսն է։ Դրա համար էլ կանգնում ենք գործարարների կողքին՝ համապատասխան մասնագետների պատրաստման և վերապատրաստման բեռը մեզ վրա վերցնելով», - ասաց մարզպետը՝ նշելով, որ մյուս խնդիրը պայմանավորված է եկամտահարկի հետ։ Նրա խոսքով գործարարների հիմնական հարկատեսակը եկամտահարկն է։ Դրանք հիմնականում արտահանվող ապրանքներն են, որոնց վրա ըստ էության ավելացված արժեքի հարկի արտոնությունն էապես չի ազդում։ Այս առումով մշակվում են հատուկ մեխանիզմներ, ինչպես նաև իրականացվում են հաշվարկներ՝ գործարարներին լրացուցիչ եկամտահարկի մասով արտոնություններ տալու։

«Հատկապես այն ուղղությունները, որոնք վերաբերում են նոր տեսակի արտադրությունների կամ ձեռնարկությունների ստեղծմանը, այդտեղ մեր մոտեցումն ավելի հավակնոտ է լինելու արտոնության տրամադրման առումով», - հավելեց Հայկ Չոբանյանը՝ վստահեցնելով, որ առաջիկա մի քանի ամիսներին սահմանամերձ գյուղերում հարկային արտոնությունների գրավչությունն ավելի բարձր կլինի, քան այսօր է։ Մարզպետը նաև խոստացավ առաջիկայում հայտարարել խոշոր ներդրումային ծրագրերի մասին։

Աղբյուր` Փաստինֆո