Փաստ ինֆո

INTERFAX.RU – ԴԱԾ-ն հաղորդել է, որ Մոսկվայում ձերբակալել են Ռուսաստանում արգելված Սիրիայում պատերազմող ԻԳ ահաբեկչական կազմակերպության գրոհայիններին ֆինանսավորման մեջ կասկածվողին:

ԴԱԾ-ն քննչական կոմիտեի, ՆԳՆ-ի և Մոսկվայում ֆինանսական վերահսկողության դաշնային ծառայության հետ համատեղ կասեցրել է ՌԴ քաղաքացի՝ ծնունդով Հյուսիսային Օսեթիայից, Գեորգի Գուևի գործունեությունը, որը Ռուսաստանում արգելված «Իսլամական Պետություն» միջազգային ահաբեկչական կազմակերպության շրջանակներում Սիրիայում ռազմական գործողություններին մասնակցող անձանց բանկային քարտերին ոչ կանխիկ փոխանցումներ էր իրականացնում,- «Ինտերֆաքս»-ին, հինգշաբթի օրը տեղեկացրել են  ԴԱԾ- ի հասարակական կապերի պենտրոնում:

Այնտեղ նշել են, որ միջոցները փոխանցվել են նաև ահաբեկչության համար հետախուզման մեջ գտնվող,  «Մուհաջիրուն» իսլամական հիմնադրամի հիմնադիր Ահմեդնաբիևին (մականունը «Աբու Ումար Սասիթլինսկի»):

«Ընդհանուր առմամբ, 2015 թ.-ից, ձերբակալվածը փոխանցել է առնվազն 50 մլն ռուբլի», - տեղեկացնում է աղբյուրը:

Գաղտնի ծառայությունը նշում է, որ դրամական միջոցներն արտասահմանում կանխիկացվել և ծառայել են ահաբեկչական բնույթի հանցագործություններ նախապատրաստելուն և կատարելուն:

Խուզարկման ժամանակ ձերբակալվածի բնակման վայրում հայտնաբերել են էքստրեմիստական գրականություն, զգալի քանակության բանկային քարտեր և «ԻԳ համակարգողների ցուցումներով բջջային հեռախոսներ»:

Իր հերթին, քննչական կոմիտեի պաշտոնական ներկայացուցիչ Սվետլանա Պետրենկոն «Ինտերֆաքս»-ին հայտնել է, որ քննչական կոմիտեի մայրաքաղաքի վարչակազմը տվյալ փաստով քրեական գործ է հարուցել ՌԴ քրեական օրենսգրքի 205.1-րդ հոդվածի 1.1-րդ մասով (աջակցություն ահաբեկչական գործունեությանը):

Նա ավելացրել է, որ մոտ ապագայում կասկածյալ 26-ամյա Գուևվին կառաջադրվի մեղադրանք և կլուծվի  նրա հանդեպ խափանման միջոցի ընտրման հարցը:

Աղբյուր` Փաստինֆո