Փաստ ինֆո

Նախարարությունների կրճատումը քաղծառայության բարեփոխման նախնական փուլն է:

Այսօր լրագրողների հետ ճեպազրույցի ժամանակ ասաց ՀՀ փոխվարչապետ Տիգրան Ավինյանը:
Նա նշեց, որ քաղծառայության բարեփոխումն իրենից ենթադրում է մի քանի փուլեր, և առաջին հերթին կառավարությունը ընդհանուր ռազմավարություն է որդեգրելու քաղծառայության համակարգի զարգացման, օպտիմալացման և արդյունավետության բարձրացման համար:

Խոսելով նախարարությունների փոխնախարարների թվի մասին, Ավինյանն ասաց.
‹‹Դժվարանում եմ պատասխանել, թե քանի փոխնախարարներ կլինեն նախարարություններում, բայց դա որոշվելու է գործառույթներից ելնելով››:

Նրա խոսքով, ուսումնասիրվելու է, թե նախկինում փոխնախարարները ինչ ֆունկցիաներ են իրականացրել և որքանով են թերբեռնված կամ գերբեռնված եղել:

‹‹Ըստ ֆունկցիաների և գործառույթների այդ քանակները կհստակեցվեն, բայց ուզուեմ եմ նաև նշել, որ սա կարող է լինել շարունակական պրոցես: Հնարավոր է այս փուլում 6-ից 7 փոխնախարար լինի, իսկ հաջորդում՝ 4››,-ասաց փոխվարչապետը:

Աղբյուր` Փաստինֆո