Փաստ ինֆո

300.1 հոդվածով հարուցված քրեական գործով Ռոբերտ Քոչարյանը չի կարող կալանավորվել»,-«Փաստինֆո»-ի հաղորդմամբ` այս մասին դատարանի դահլիճում քիչ առաջ հայտարարեց Արամ Օրբելյանը:

Ըստ նրա` պետք է հասկանալ` արդյո՞ք 300-րդ հոդվածը իր մեջ պարումակում է նույն հանցակազմը, ինչ որ 300.1-րդը. «Այս հոդվածների օբյեկտները եւ օբյեկտիվ կողմերը տարբեր են. 300-րդ հոդվածի վերլուծությունից ակնհայտ է դառնում, որ խոսքը գնում է պարզ օբյեկտի` իշխանության վերարտադրության մասին, իսկ 300.1-րդ հոդվածի օբյեկտը սահմանադրական կարգի իրավահարաբարերություններն են»:

Ինչ վերաբերում է իշխանության յուրացմանը, մեղադրանքում այդ մասին որեւէ խոսք չկա. «Մեղադրանքում իշխանության յուրացման մասին խոսք չկա, խոսքը գնում է սահմանադրական կարգը տապալելու մասին, այդ մասին չէր էլ կարող լինել, որովհետեւ պրն Քոչարյանը այդ ժամանակ այլեւս դադարել է լինել նախագահ»,- ասաց պաշտպանն ու եզրակացրեց. «Չկա որեւէ հիմք պնդելու, թե 300.1 հոդվածը առանձնացվել է 300-րդ հոդվածից, այն առանձին հանցակազմ է եւ առանձին հոդված, ուստի չի կարող հետադարձ ուժ ունենալ»:

Հեղինակ` Միլենա Խաչիկյան