Փաստ ինֆո

Իտալիան ողողվել է ապօրինի ներգաղթի նոր ալիքով: Լիբիայից արաբական և աֆրիկյան փախստականների փոխադրողներին փոխարինում են Ռուսաստանից, Վրաստանից և Ուկրաինայից ներգաղթածները, ինչը իտալացի իրավապահները դեռևս չեն կարողանում կանխել: Հաղորդում է «Новое время»-ն:

Պատահական չէ ընտրվել Ապուլիա տեղանքը, որտեղ իջևանում են ապօրինի ներգաղթածները. Մերաբ Ջանգվելաձեն  (Merab Sukumski) երկար ժամանակ ապրել է մայրաքաղաք Բարիում: 2014 թվականին Իտալիայի դատարանը նրան 4 տարով և 8 ամսով ազատազրկել է՝ փաստաթղթերի կեղծման և փողերի լվացման համար: Հետագայում նա տեղափոխվել է Թուրքիա: Բարիում վերջին ժամանակներս ապրել է մեկ «օրենքով գող»՝ Ջեմալ Միկելաձեն (Ջեմո), որը մահացել է այս տարվա մարտի 1-ի գիշերը:

Մի քանի ամիս առաջ Տաորմինեի (Սիցիլիա) ոստիկանները ձերբակալել էին երկու ռուսաստանյան տեղաթոխողների՝ մեկին ափին, իսկ մյուսին` ծանծաղուտում հայտնված զբոսանավի վրա: Ընդ որում, երկուսի մոտ էլ հայտնաբերել են մեծ գումարներ՝ դոլար և ռուբլի: Ինչպես նշում է հրատարակությունը, նրանց նավը ձեռք է բերվել Միացյալ Նահանգներում և գրանցվել է Դելավեր նահանգում:

Անցյալ տարի ևս մեկ զբոսանավ է ձերբակալվել, որը նույնպես Միացյալ Նահանգների դրոշի տակ էր շրջում և գրանցված էր նույն նահանգում: Նավի վրա եղել են տասնյակ անլեգալ կոսովացիներ: Թմում նույնպես կային երկու ռուս: Այժմ նրանք գտնվում են բանտում և հրաժարվում են համագործակցել հետաքննության հետ:

Ընդ որում, իտալական անվտանգության ուժայինները որոշակի առանձնահատկություններ են հայտնաբերել. Վերջին տասնամյակում ձերբակալված տասնյակ ռուսական տրանսպորտային միջոցների շրջանում տեղափոխվողների զգալի մասը կազմում են էթնիկ վրացիները, որոնք վերջերս են ստացել Ռուսաստանի քաղաքացիություն: Իտալացի քննիչները դա բացատրում են նրանով, որ Ռուսաստանի Դաշնությունը չի հանձնում իր քաղաքացիներին, ինչը նշանակում է, որ հանցագործների համար հեշտ կլինի թաքնվել իրենց նոր հայրենիքում, եթե նրանց դեմ սկսվի հետաքննություն:

Բացի այդ, վերջին չորս տարիների ընթացքում Իտալիայում ձերբակալվել է Ուկրաինայի 60 քաղաքացի: Նրանց կեսը դեռ բանտում են: Իտալական մամուլում ասվում է, որ նրանց օգտագործում են Թուրքիայում տեղակայված «օրենքով գողերը»: Ամեն թռիչքից նրանք ստանում են 3 հազար դոլար: Սակայն, երբ նրանք հայտնվում են ոստիկանության ձեռքերում, ապա, ի տարբերություն ռուսների և վրացիների, ուկրաինացիները պատրաստակամորեն համագործակցում են քննիչների հետ և զղջման տեսարան են խաղում: Նախադեպի բացակայության դեպքում նրանք ազատ են արձակվում և արտաքսվում երկրից:  Թեպետ, որոշ ժամանակ անց, նրանք նորից վերադառնում են քրեական բիզնես:

Աղբյուր` Փաստինֆո