Փաստ ինֆո

Երևանի քաղաքապետ Հայկ Մարությանի խոսքով, քաղաքապետի պաշտոնում իր առաջին հանձնարարականներից մեկը եղել է բոլոր անցումները լուսավորելը: Քաղաքապետարնը դրանք լուսավորել է, ինքն անձամբ ստուգել է բոլոր անցումները լուսավորվա՞ծ են, թե՞ ոչ, սակայն մեկ շաբաթ անց լուսավորող սարքերը կամ ջարդել են, կամ գողացել:

‹‹Քաղաքապետարանը և ոստիկանությւոնը նույպես ի զօրու չեն բոլոր անցումներում հերթապահություն իրականացնել և հետևել, որ մեր բնակիչները կամ չջարդեն, կամ չգողանան այս լույսերը››,-այսօր Երևանի 2800 ամյակին նվիրված այգու բացման ժամանակ լրագրողների հետ զրույցում ասաց քաղաքապետը:
Մարությանն ասաց, որ անցումների վերանորոգման համար քաղաքապետարանը պետք է փակի փողոցը, հանի ասֆալտի շերտը և նոր ջրամեկուսիչ շերտ ստեղծի:

‹‹Մենք հատուկ հանձնաժողով ունենք, որը գույքագրում է բոլոր անցումները և այստեղ շատ նուրբ ենք գործում, կարող ենք մեկ օրում մտնել, մաքրել, բայց մարդիկ են, ընտանիքներ են, որոնք գործունեություն են ծավալում, այսինքն մի կողմից հանրությունը պահանջում է, ասում է մաքրեք անցումները, մյուս կողմից ասում է՝ ձեռք չտանք աշխատատեղերին››,-ասաց Երևանի քաղաքապետը:
Խոսելով Մաշտոցի պողոտայի այգու հարակից անցումի ոչ բարվոք վիճակի մասին՝ Մարությանն ասաց, որ այդ անցումը վաճառված է և սեփականատեր ունի, որը խախտում էր պայմանագիրը և իրենք պարտադրել են նրան, որպեսզի սկսի անցումի բարելավման աշխատանքները:

‹‹Ամեն ինչ անելու ենք, որ մաքսիմալ արագ աշխատեն, այլապես կենթարկվեն տուգանքների››,-ասաց Երևանի քաղաքապետ Հայկ Մարությանը:

Աղբյուր` Փաստինֆո