Փաստ ինֆո

Երեկ չէ առաջին օրը ես մամուլի ասուլիսով հանդես եկա և հրապարակեցի 100 փաստ նոր Հայաստանի մասին, որտեղ փորձեցի ամփոփել մեր կառավարության մեկ տարվա արդյունքները, ես կարևորում եմ այդ փաստաթուղթը, քանի որ այն կոնկրետ ցույց է տալիս, թե ինչ ենք արել այս 1 տարվա ընթացքում:

Այսօր կառավարության նիստի ժամանակ ասաց ՀՀ վարչապետ Նիկոլ Փաշինյանը:
Նա նշեց, որ այս կերպ հաշվետվողականության նոր նշաձող է սահմանվում և պետք է հաշվետվողականության այսպիսի ձևաչափը կիրառվի և որդեգրվի:

‹‹Իմ տարեվերջյան ասուլիսում մենք բոլորս պետք է կրկին 100 փաստ ունենանք հրապարակելու մեր գործունեության ամսին››,-ասաց վարչապետը:
Նա նշեց, որ ներկայացված 100 փաստերից զատ, բազմաթիվ այլ փաստեր էլ կան, սակայն 100 փաստերում որոշեցվեց ներառել այն կետերը, որոնք կոնկրետ են, հասցեական են Հայաստանի կյանքում, մարդկանց կյանքում, տնտեսական իրավիճակում, ապագայի նկատմամբ:

‹‹Ակնկալում եմ՝ բոլոր նախարարները, կատավարության անդմաները այս չափանիշով պետք է աշխատեն, և մենք պետք է ժամանակ առ ժամանակ անդրադառնանք մեր կատարած աշխատանքի արդյունքում արձանագրված այն փաստերին, որոնք ՀՀ-ի կյանքում կոնկրետ բան են փոխում››,-ասաց Փաշինյանը:

Նրա խոսով, այս փաստերի հավաքագրումը, ստեղծումը լինելու է իրենց ամենօրյա աշխատանքի մի մասը և ինքը ըստ այդմ է գնահատելու կառավարության անդամների աշխատանքը:

Հեղինակ` Սոնա Գեւորգյան