Փաստ ինֆո

ՀՀ վարչապետ Նիկոլ Փաշինյանն այսօր հայտարարեց, որ իշխանության ներսում չի հանդուրժի որեւէ թեւ. դրանք ուղղակի կկտրի։

«Ես նմա՞ն եմ մի մարդու, ով, լինելով վարչապետ, այդ իշխանության ներսում կարող են լինել թևեր։ ՀՀ գործադիր իշխանության մեջ չեն կարող թևեր լինել, որովհետև գործադիր իշխանությունը միասնական մարմին է, որը ղեկավարվում է վարչապետի կողմից։ Եթե թևեր ի հայտ գան, ես այդ թևերը կկտրեմ։ Ոչ թե նրա համար, որ դա իմ քմահաճույքն է, այլ որովհետև այդպես է օրենքը։ Բացառվում է, որ ես երկրում թույլ տամ անկառավարելիություն, քաոս կամ պալատական իտրիգներ։ Թևերը կտրելուն չի հասնի, որովհետև չեն էլ աճի։ Սաղմնային մակարդակում կչորանան։ Ով այդպիսի գայթակղություն ունի, թող բախտը փորձի», - այսօր հայտարարեց ՀՀ վարչապետը, երբ լրագրողներից մեկը հետաքրրքվեց, թե արդյոք իշխանության ներսում ուժեր կամ թևեր, որոնք թույլ չեն տալիս, որ Դավիթ Սանասարյանի գործի քննությունն անհրաժեշտ ուղղությամբ ընթանա։

«Կառավարությունը երկրի գործադիր իշխանությունն է և պետք է լինի հեշտ կառավարելի և մոբիլ», - ընդգծեց վարչապետը։

Աղբյուր` Փաստինֆո