Փաստ ինֆո

Նախանձն է պատճառը, որ Ծառուկյանի անվան շուրջ նման կասկածներ կան: Այսօր լրագրողների հետ զրույցում ասաց ‹‹Բարգավաճ Հայաստան›› խմբակցության ղեկավար Գագիկ Ծառուկյանը՝ անդրադառնալով «Քաղաքացու որոշում» սոցիալ-դեմոկրատական կուսակցության հայտարարությանը: «Իրենք չեն երևում, ոչ մի բան չեն կարողանում անել, Ծառուկյանին բոլորը դիմում են, ուզում են Ծառուկյանի հետ անեն, իսկ տվյալ խոսացողները իրական կյանքում ոչ հարևանին օգնած կան, և ոչ էլ ինչ-որ գործ արած կան»,- ասաց Ծառուկյանը:

Հիշեցնենք, էր օրեր առաջ ՔՈ-ն դիմել էր ԱԺ նախագահին և ՀՀ գլխավոր դատախազին՝ Գագիկ Ծառուկյանին՝ պատգամավորական մանդատից զրկելու եւ նրա նկատմամբ քրեական հետապնդում հարուցելու համար՝ նկատի ունենալով, որ Սահմանադրությունն արգելում է պատգամագորին ձեռնարկատիրական գործունեությամբ զբաղվել։

Հարցին, թե հնարավո՞ր է մանդատը վայր դնի՝ ԲՀԿ ղեկավարը պատասխանեց հարցնելով՝ այսօր երկրի բոլոր խնդիրները լուծվե՞լ են, ներդրումները արվե՞լ են երկրի վիճակը լավացե՞լ է, ժողովուրդը բարեկեցիկ կյանքով ապրու՞մ է, Ղարաբաղի խնդիրն էլ լուծվա՞ծ է, որ հիմա կարևորագույն խնդիրը Ծառուկյանի մանդատը վայր դնելը լինի:

Նա նշեց, որ մանդատից կհրաժարվի միայն այն ժամանակ, երբ իր պատկերացրած երկիրը լինի, ժողովրդի վիճակը լավանա, վարկերը փակված լինեն, կյանքը բարեկեցիկ լինի և բոլոր դեմքին ժպիտ լինի:

ԲՀԿ ղեկավարի խոսքով, 12-ից 18 ներդրողների մոտ մտավախություն կա, որ կարող է մեկը քնից արթնանա և անհիմն հայտարարություններ անի:

«Ներդրողը պետք է վստահ լինի, գնահատված լինի, հավատ ունենա, ամեն մեկը որ տեղից վեր կենա, նման անհիմն հայտարարություններ անի, կարող է վատ է քնել, կամ երազում չգիտեմ՝ ինչ է տեսել, չի կարելի, դա ազդելու է մեր տնտեսության զարգացման վրա»,-ասաց ԲՀԿ ղեկավարը:

Դիտարկմանը, թե հնարավոր է տեղի ունեցող իրադարձությունները կապ ունեն իշխանությունների հետ՝ Ծառուկյանն ասաց. «Չեմ հավատում և չեմ ուզում հավատալ»:

Աղբյուր` Փաստինֆո