Փաստ ինֆո

24-ամյա Քիմբերլին ծանոթությունների կայքում ծանոթացել էր Լյուկի հետ ու համաձայնել հանդիպել: Սկզբում ամեն ինչ լավ էր. զույգը նախ սրճել է, ապա որոշել գնալ փաբ, որտեղ էլ ամեն հույս ի չիք դարձավ:  

Լյուկը խորհուրդ է տվել աղջկան մի քանի պլաստիկ վիրահատություն անել, ինչպես նաև նշել է, թե որ խանութներից հագուստ գնի: Տղան նաև վրդովվել էր այն բանից, որ Քիմբերլին խնդրել է հաշիվը բաժանել երկու մասի՝ ասելով, որ շատ շնորհակալ է և որ  ինքն ի վիճակի է վճարել ճաշի համար: Բարեբախտաբար, մղձավանջային հանդիպումը այնուամենայնիվ ավարտվել է, և Քիմբերլին շուտով մոռացել է դրա մասին: Երեք ամիս անց Լյուկը գրել է աղջկան հաղորդագրություն:

«Բարև, Քիմբերլի, մենք մեկ անգամ ենք հանդիպել քեզ հետ, և ես կցանկանայի բացատրել, թե ինչու չեմ զանգահարել: Կարծում եմ, որ դու կարող ես ավելի շատ ջանքեր թափել տղայի համար, և, որպեսզի հաջորդ անգամ ավելի լավ լինի, ահա քեզ մի քանի խորհուրդ»:

Տղան նշել է, որ Քիմբերլին պետք է նիհարի, օգտագործի արևայրուքային միջոցներ, փոխի հագուստի ոճը, որպեսզի Լյուկը անհարմար չզգա իր հետ զբոսնել: Վերնաշապիկի բացվածքը պետք է լինի ավելի խորը, իսկ մազերն արժե ավելի երկարացնել և ներկել: Քիմբերլին պետք է ավելի բնական տեսք ունենա, հետևաբար պետք է հրաժարվի դիմահարդարումից: Բայց մինչ այդ նա պետք է մեծացնի շուրթերը, քանի որ այդպես ավելի սեքսուալ կլինի:
 
Լյուկը վրդովված էր, որ աղջիկը առաջին ժամադրության ժամանակ չի համբուրել իրեն: Դա դիպչել է տղայի ինքնասիրությանը, ուստի Քիմբերլին պետք է ավելի նրբազգաց լինի տղամարդկանց նկատմամբ: Ինչպես նաև արժե ավելի քիչ խոսել սեփական անձի մասին ՝Լյուկին ձանձրալի էր  լսել, թե ինչերի միջով է անցել Քիմբերլին:

Քիմբերլին պետք է աշխատի իր հումորի զգացումի վրա՝ նա  չծիծաղեց Լյուկի ոչ մի կատակի վրա, բացի դա նա ոչ մի կոմպլիմենտ չէր արել տղային: Բայց երիտասարդը պատրաստ է ներել այս ամենը և ևս մեկ անգամ գնալ հանդիպման: Սակայն միայն մեկ ամիս անց, որպեսզի Լյուկը կարողանա գնահատել, թե որքանով է Քիմբերլին շտկել իր թերությունները:

Իհարկե, Քիմբերլին նախընտրել է արհամարհել ինքնավստահ երիտասարդին : Դրանում նրան սատարել են ցանցում օգտատերերը՝ ֆեյսբուքյան իր էջում  տեղադրած այս պատմության 21 հազար  «հավանումով» և 30 հազար «տարածումով».

Աղբյուր` Փաստինֆո