Փաստ ինֆո

Քաղաքական գործիչները մտահոգված են իրենց քաղաքական ելույթների վերաբերյալ «համացանցային խուլիգանների» հայհոյանքներից։

«Քաղաքական գործիչներս, օգտվելով մեր կարծիքը ազատ արտահայտելու սահմադրական իրավունքից ամենատարբեր հարցերի վերաբերյալ հանդես ենք գալիս ելույթներով, գնահատակններով՝ նաև հաշվի առնելով այն, որ ՀՀ Սահմադրությունը պատգամավորին երաշխավորում է անձեռմխելիություն, բայց քաղաքական ելույթներ ունենալիս ոչ թե մտածում ենք ինչպիսի իրավաքաղաքական գնահատական կտրվի դրանց, այլ նախեւառաջ, այլ այդ օրը երեկոյան համացանցային խուլիգանների կողմից ինչ հայհոյանքներ ենք շալակելու: ԱԺ պետաիրավական հանձնաժողովի նիստում ասաց ‹‹Բարգավաճ Հայաստան›› խմբակցության պատգամավոր Գևորգ Պետրոսյանը՝ հետաքրքրվելով, թե ՀՀ գլխավոր դատախազին, թե ինչ վերաբերմունք ունի համացանցում խուլիգանության նկատմամբ և ինչպես է տեսնում դատախազության առաքելությունը դրա դեմ պայքրում։

Նա նշեց նաև, որ քաղաքական գործընթացները զուգորդվում են խուլիգանական վարքագծով, իսկ պետական իրավապահ մարմինները ոչինչ չեն անում համացանացային խուլիգանությունը կանխելու համար:

ՀՀ գլխավոր դատախազ Արթուր Դավթյանը նկատեց, որ նման դեպքերը ցանկացած մարդու համար էլ տհաճ են, սակայն ինքը համաձայն չէ, որ իրավապահ մամինները անգործություն են դրսևորում:

‹‹Իրավապահ մարմինները հստակ, օրենքով իրենց վրա դրված պարտականություններով չեզոքություն են դրսևորում և լավ են անում, որովհետև դուք այդպես եք պատվիրակել նրան: Դատախազը նշեց, որ ինքը երբեք չի հանդիպել հայհոյանքը խուլիգանություն դիտարկելու օրինակ և նշեց, որ այն դասական վիրավորանքի դրսևորում է››,-ասաց գլխավոր դատախազը:

Դավթյանի խոսքով, Պետրոսյանը ունի լիազորություն նախաձեռնելու օրենսդրական փոփոխություններ և քրեականացնելու վիրավորանքը:

‹‹Փոփոխություններ նախաձեռնեք, այդ դեպքում մենք ամեն օր ձեր պատկերացրած անգործությունը չենք դրսևորի, բոլոր վիրավորանքի դեպքերով կգանանք, կփորձենք բացահայտել և կենթարկենք պատասխանատվություն››,-ասաց ՀՀ գլխավոր դատախազը:

Հեղինակ` Սոնա Գեւորգյան