Փաստ ինֆո

«Գուցե ընդհանրապես կարելի է տոների մեծ մասի վրա ուղղորդված գումարները կրճատել կամ տոների վրա ընդհանրապես գումար չծախսել։ Ինչու՞ սոցիալապես անապահովների խնդիրները լուծել միայն մեկ տոնի գումարով։ Կարելի է քննարկել», - քաղաքացու օրվա համար պետբյուջեից տրամադրված գումարն այլ նպատակով օգտագործելու վերաբերյալ իր կարծիքն արտահայտեց  «Իմ քայլը» խմբակցության պատգամավոր Հայկ Կոնջորյանը։  Լրագրողների հետ զրույցում նա վստահեցրեց, որ ինքը բաց է ցանկացած քննարկման համար։   

ԱԺ պատգամավորի խոսքով անհիմն է այն կարծիքը, որ սա իշխանության տոնն  է։ Նա  հորդորեց ՀՀ քաղաքացիներին այս օրը դարձնել իրենց սեփականույթյունը և  վեր կանգնել գործող անձանցից ու  անուն-ազգանուններից, - «Ժողովրդի մեծամասնության, քաղաքացիների կամքի շնորհիվ մարդիկ կարողացել են փոխել իշխանությունը։ Եթե վերանանք անուններից, ապա իսկապես տեղի է ունեցել քաղաքացիական հաղթանակի շատ կարևոր դրսևորում։ Եվ եթե Հայաստանում լինի ևս մի իշխանություն, որը կբռնանա ժողովրդին, ապա քաղաքացին նույն կերպ պետք է դուրս գա փողոց կամ բողոքի այլ միջոցներ կիրառի», - ասաց «Իմ քայլը» խմբակցության պատգամավորը, ում կարծիքով քաղաքացիական պայքարի և գիտակցության մարմնավորումը վերաբերվում է բոլորին։

Աղբյուր` Փաստինֆո