Փաստ ինֆո

Ժամանակակից աշխարհում մարդկանց մեծամասնության մոտ այս կամ այն ձևով առկա է քրոնիկական գաստրիտը: Այդպես են համարում շատերը և նույնը հաստատում են շատ բժիշկներ: Կա՞ իսկապես նման համաճարակ: Եվ ի՞նչ է ընդհանուր առմամբ գաստրիտը, ե՞րբ այն կարող է վերածվել խոցի: Ինչպե՞ս սնվել, ի՞նչ չպետք է ուտել, որպեսզի ստամոքսի հետ կապված ամեն ինչ նորմալ լինի:

Ստամոքսին հետևելն իսկապես կարևոր է, բայց միայն մասնագետը կարող է հասկանալ՝ կոնկրետ ինչ խնդիրներ են առկա: Երբեմն որովայնի ցավը խոսում է ոչ թե գաստրիտի, այլ այսպես կոչված ֆունկցիոնալ դիսպեպսիայի մասին: Դա առաջանում է, օրինակ, սթրեսի ժամանակ: Նման դեպքերում ստամոքսի խնդիրները հաճախ բուժվում են հակադեպրեսանտների միջոցով:

Կամ կեղծ գաստրիտի այլ տարբերակ `սթրեսի և չոր, ճարպոտ կամ տապակած կերակրի համադրություն: Գաստրոէնտերոլոգ, հայտնի գրքի հեղինակ Ալեքսեյ Պարամոնովը բացատրում է. նման իրավիճակներում ստամոքսը, որը հանդիսանում է մկանային օրգան՝ երբեմն կծկվում է, և ստամոքսի հյութն ու մնացյալ պարունակությունը արտանետվում է կերակրափող: Այստեղից էլ՝ այրոց և այլ տհաճ ախտանիշներ: Դրանք միշտ չէ, որ հանգեցնում են իրական գաստրիտի, որը, եթե չի բուժվում, կարող է առաջացնել խոց և քաղցկեղ:

Ժամանակակից գիտությունը գաստրիտի և խոցի անմիջական գլխավոր պատճառ է համարում ինֆեկցիան, մասնավորապես հելիկոբակտեր փիլորի (Helicobacter pylori) կոչվող միկրոբի ներխուժումը: Այս մանրէն արտադրում է նյութեր, որոնք քայքայում են ստամոքսի պաշտպանիչ շերտը: Ստամոքսը այսպես ասած սկսում է ինքն իրեն մարսել:

Գաստրիտը և խոցը լուրջ հիվանդություններ են, որոնք, եթե չբուժվեն, կարող են հանգեցնել քաղցկեղի: 40 տարեկանից հետո ավելի լավ է ստամոքսի հետազոտությունը անցկացնել ամեն տարի: Դե, իսկ ճիշտ սնվելը` տապակած, յուղոտ սննդի, աղի, ալյուրի, քաղցրի նվազագույն քանակությունը խրախուսվում է միշտ և բոլորին:

Աղբյուր` Փաստինֆո