Փաստ ինֆո

Քրեական հետապնդման ենթարկվող անձինք ինչպես են կարողանում հեռանալ Հայաստանից։ Այսօր այդ հարցը բարձրացրել է ‹‹Լուսավոր Հայաստան›› խմբակցության ղեկավար Էդմոնդ Մարուքյանը։

‹‹Միհրան Պողոսյանն ի՞նչ գործ ունի Ռուսաստանում: Մեկ տարի է գիտենք, որ նա պետք է քրեական հետապնդման ենթարկվի: Մեր նախաքննության մարմինները այնքան սպասեցին, այդ մարդուն տարան առքով-փառքով ճանապարհեցին, որ հետո չկարողանա՞ն բռնեն››,-լրագրողների հետ զրույցում ասաց Մարուքյանը՝ ավելացնելով. «ոչ մեկի չի հետաքրքրում՝ այս մարմինները ինչ էին անում, որ ‹‹բուլկի Արամը››, Միհրան Պողոսյանը գնացին երկրից»:

‹‹Ինձ այդ հարցի պատասխանն է հետաքրքրում: Հա Գոնսալեսը Պրահայում է դիմել, Ռոդրիգոսը՝ Մոսկվայում, Խոսեիգնասիոն էլ կարող է Մեքսիկայում դիմի: Բերել եք Հայաստանը սարքել սերիալ››,-ասաց խմբակցության ղեկավարը:
Նա հույս էհայտնեց, որ ռուսական իշխանությունները նրան քաղաքական ապաստան չեն տա՝ հիմնվելով Հայաստանի հետ փայլուն հարաբերությունների վրա։

‹‹Եթե տվեցին այ, այ, այ…››,-ասաց Մարուքյանը:

Լրագրողի այն հարցին, թե ինչ կնշանակի դա, ԼՀԿ ղեկավարը պատասխանեց.

‹‹Ո՞նց ինչ կնշանակի, կնշանակի, որ քրեական հետապնդում չեք կարող իրականացնել այդ մարդու նկատմամբ, առքով-փառքով կապրի, մի հատ տուն կառնի իր համար, այնտեղից էլ ձեր վրա կծիծաղի›› :

Հեղինակ` Սոնա Գեւորգյան