Փաստ ինֆո

Եթե ԱՄՆ-ն հրաժարվի մատակարարել Թուրքիային 5-րդ սերնդի F-35 կործանիչներ, ապա Անկարայի համար դա անելանելի իրավիճակ չի հանդիսանա: Այդ մասին հայտարարել է Թուրքիայի արտգործնախարար Մեվլութ Չավուշողլին:

 «Իրադարձությունների զարգացման ամենավատ սցենարի դեպքում մենք ստիպված կլինենք մեր այս կարիքը հոգալ մեկ այլ վայրում. այնտեղ, որտեղ մեզ կառաջարկվեն լավագույն տեխնոլոգիաները», - մեջբերում է նախարարին ՌԻԱ Նովոստին:

 Նա նշել է, որ Թուրքիան մասնակցում է F-35- ի ստեղծման նախագծում որպես գործընկեր և իր կողմից ներդրել է  բոլոր անհրաժեշտ գումարները:

 Միևնույն ժամանակ, նա ևս մեկ անգամ հաստատել է ռուսական S-400 հրթիռային համակարգերի ձեռքբերման իր հստակ մտադրությունը, քանի որ Թուրքիային հրատապորեն անհրաժեշտ են հակաօդային պաշտպանության համակարգեր:

Աղբյուր` Փաստինֆո