Փաստ ինֆո

ՀՔԾ մամուլի խոսնակ Մարինա Օհաջանյանը հաստատել է, որ Ռուսաստանում ձերբակալվել է հետախուզման մեջ գտնվող ԴԱՀԿ նախկին պետ Միհրան Պողոսյանը: Ըստ նրա` ներկայումս ընթացքի մեջ է նրա արտահանձնման գործընթացը:

Հետախուզման մեջ գտնվող Միհրան Պողոսյանին հայտնաբերել են Կարելիայում

«Փաստինֆո»-ն ավելի վաղ տեղեկացրել էր, որ իր հավաստի տեղեկությունների համաձայն` Միհրան Պողոսյանը հայտնաբերվել եւ ձերբակալվել է  ՌԴ Կարելիայի հանրապետությունում` ապրիլի 19-ի երեկոյան:

Միհրան Պողոսյանի հետախուզման մեջ գտնվելու մասին հայտարարվել էր ապրիլի 15-ին. ՀՔԾ-ի տարածած պաշտոնական հաղորդագրության համաձայն` քննիչը որոշում է կայացրել  ՀՀ դատական ակտերի նախկին գլխավոր հարկադիր կատարող Միհրան Պողոսյանին ՀՀ քրեական օրենսգրքի 179-րդ հոդվածի 3-րդ մասի 1-ին կետով և 308-րդ հոդվածի 2-րդ մասով մեղադրյան ներգրավելու մասին: Նրա նկատմամբ որպես խափանման միջոց է ընտրվել կալանավորումը:

Նպատակը «գործ սարքելն է»․ Միհրան Պողոսյանի գրասենյակ

Նույն օրը Միհրան Պողոսյանի գրասենյակը հայտարարություն էր տարածել` մեղադրանքները որակելեվ անհիմն.«Հայտնում ենք, որ Միհրան Պողոսյանը օրինական բոլոր ճանապարհներով պայքարելու է արդարության վերականգնման և իր անվան հետ կապվող շինծու մեղադրանքների ու ասեկոսեների էջը մեկընդմիշտ փակելու համար»,–ասված է հայտարարությունում

Աղբյուր` Փաստինֆո