Փաստ ինֆո

Աղիքների քաղցկեղի ռիսկը զգալիորեն կկրճատվի, եթե կերակրացանկից նվազեցնեք մսեղենից պատրաստված կիսաֆաբրիկատների օգտագործումը, իսկ փոխարենը առավել շատ օգտագործեք բանջարեղեն: Այս մասին «Լայֆ»-ի  հետ զրույցում պատմել է դիետոլոգ Դարիա Ռուսակովան:

«Դա վերաբերում է միայն վերամշակված մսին, մասնավորապես՝ կիսաֆաբրիկատներին և երշիկեղենին: Որովհետև օնկոլոգիական հիվանդությունների զարգացմանը նպաստում են ոչ այնքան միսը, որքան հավելանյութերը, կոնսերվանտները, ապխտած այլ մթերքները, որոնք առկա վերամշակված մսի մեջ», -ասել է Ռուսակովան:

Ուստի, երշիկ օգտագործող մարդկանց մոտ  աղեստամոքսային տրակտում ինչպես բարորակ, այնպես էլ  չարորակ նորագոյացությունների առաջացման ռիսկը բարձր է: Սակայն խաշած միսը նման վնաս չի պատճառում:

«Եթե խոսենք կարմիր մսի մասին, ապա դրա օգտագործումը պետք է լինի շաբաթական երկու- երեք անգամ `100-150 գրամի չափով: Եթե մենք խոսում ենք սննդակարգի մասին առհասարակ, ապա ինչքան  ավելի բազմազան լինի այն, ինչքան օրաբաժնում ավելի շատ լինի բանջարեղենի առկայությունը, այդ թվում `մսի հետ միասին, այնքան, բնականաբար, բոլոր վնասակար ազդեցությունները կնվազեն», - ասել է Ռուսակովան:

Նա նշել, որ բանջարեղենի մանրաթելերը նպաստում են աղեստամոքսային տրակտի միջով սննդի արագ անցմանը և նվազեցնում են աղիների լորձաթաղանթի հետ  վնասակար նյութերի շփումը:

Աղբյուր` Փաստինֆո