Փաստ ինֆո

Այսօր Կառավարության նիստի ժամանակ ՀՀ քաղաքապետ Հայկ Մարությանն ասաց, որ Երևան քաղաքի աղբահանությունը վատ վիճակում է եղել դեռեւս նախքան իր քաղաքապետ լինելը, բայց ամենօրյա աշխատանքների շնորհիվ քաղաքապետարանը 2-3 ամիսների ընթացքում կարողացել է վիճակը կարգավորել:

Նրա խոսով, ի սկզբանե նախատեսված է եղել, որ աղբահանության համար Երևանը պետք է ունենա 2 օպերատոր լիներ. ‹‹Սանիթեք››-ից բացի եղել է նաեւ մեկ այլ շվեդական ‹‹խաղացող››, սակայն 2014թ.-ին անհասկանալի կերպով օպերատորներ են դարձել ‹‹Սանիթեք›› և ‹‹Սանիթեկ ինթրնեյշնլ›› ընկերությունները, որոնք երկուսն էլ պատկանում են ‹‹Սանիթեք›› ընկերությանը և ունեն նույն ավտոպարկը:

‹‹Բնականաբար սկզբնական շրջանում ամեն ինչ նորմալ էր, քանի որ այն մեքենաները, որոնք իրենք բերել էին անխափան աշխատում էին, և մենք գտնում ենք, որ սխալ սպասարկման, տեխսպասարկման և աշխատուժի պատճառով ի վերջո պետք է գային այն վիճակին ինչին եկել են այսօր››,-ասաց Մարությանը
Նրա խոսքով, իրավիճակի սրման հաջորդ դեպքը եղել է Ամանորին, որը նույնպես շտկվել է և ամսի 3-ից եղել են դատարկ աղբամաններ:

‹‹Եթե 1,2 կամ 3 մեքենա այդ պահին փչանում է՝ քաղաքում կոնկրետ պրոբլեմ է առաջանում: Իրենց զգուշացրինք, որ պետք է այս հարցերը լուծեք, իրենք ասացին, որ ֆինանսական հնարավորություններ չունեն այս պահին և շատ վատ վիճակում են: Մենք կանխազգալով, որ այս օրը պետք է գա և որ իրենց մեքենաները սկսելու են փչանել ու չեն կատարելու իրենց պարտականությունները, մրցույթ հանեցինք 24 աղբատար մեքենա ››,-ասաց քաղաքապետը:
Մարությանը նշում է, որ ‹‹Սանիթեք››-ը քաղաքապետարանին բազմիցս ասել է, որ իրենք բանավոր պայմանավորվածություններ ունեն, որոնք պետք է ի կատար ածել, սակայն քաղաքապետարանը ներողություն է խնդրել և ասել, որ բանավոր պայմանավորվություները եղել են նախորդ իշխանությունների օրոք և իրենք տեղյակ չեն դրա մասին, աշխատում են միայն պայմանագրի ներքո:

Ելույթի ավարտին քաղաքապետն ասաց, որ եթե աղբահանություննը այսպես շարունակվի, ապա տուգանքները եւս կշարունակվեն և առաջարկեց՝ կառավարությունը աղբանությունը կարգավորելու համար մի քանի մեքենա ձեռք բերել:

Աղբյուր` Փաստինֆո