Փաստ ինֆո

Մալաթիա-Սեբաստիա վարչական շրջանի կրթության, մշակույթի և սպորտի բաժնի պետ Լիանա Դավթյանը հայտարարում է, որ թիրախավորված հետապնդման է ենթարկվում Մալաթիա-Սեբաստիա վարչական շրջանի ղեկավար Դավիթ Կարապետյանի կողմից։ Նրա փոխանցմամբ՝ Կարապետյանը նշված  պաշտոնում նշանավկվելու առաջին իսկ օրվանից պահանջում է, որ ազատման դիմում ներկայացնի։ Այս մասին «Փաստինֆո»-ի թղթակցի հետ զրույցում հայտնեց Լիանա Դավթյանը՝ նշելով, որ թերեւս Կարապետյանը այդ պաշտոնում ցանկանում է նշանակել իր կադրին։

Մեր զրուցակիցն ընդգծեց, որ պայքարելու է իր իրավունքների համար և չի պատրաստվում հրաժարականի դիմում ներկայացնել։

«Հոկտեմբերին, երբ Դավիթ Կարապետյանը  նշանակվեց վարչական շրջանի ղեկավար,  կազմակերպեց հանդիպում աշխատակազմի հետ, որի ժամանակ ներկայացրեց իր կենսագրականը: Ավարտելուց անմիջապես հետո, պաշտոնի նշանակման հենց առաջին օրը, նա ինձ հրավիրեց իր աշխատասենյակ և ասաց, որ  պետք է ազատման դիմում գրեմ:Ես ասացի, որ դուք ինձ հետ չեք աշխատել և խնդրում եմ թույլ տվեք շարունակել աշխատանքը եւ, եթե ինձ հետ աշխատելուց հետո  կգտնեք որ լավ չեմ աշխատում,  իմ աշխատանքային պարտականությունները պատշաճ կարգով չեմ կատարում ներողություն կխնդրեմ ու անձամբ դիմում կգրեմ՝ աշխատանքից ազատվելու»,-պատմեց Լիանա Դավթյանը։

Սակայն թաղապետը մեկ ամիս ժամանակ է տվել  հրաժարականի դիմումը գրելու համար։

Լ.Դաթվյանի փոխանցմամբ՝ իրենից պարբերաբար պահանջել են՝ազատման դիմում գրել, այդ ընթացքում վիճահարույց նույն դեպքի համար երկու նկատողություն տվել։ 

Ինչպես պատմեց մեր զրուցակիցը՝ մարտի 14-ին աշխատանքի գնալիս խափանվել է ավտոմեքենան, ինչի մասին  անմիջապես  տեղեկացրել  է  աշխատակազմի քարտուղար Արմեն Հովհաննիսյանին և ստացել փոքր-ինչ ուշանալու թույլտվություն։ Բացի այդ՝ կատարվածի մասին տեղեկացրել է նաեւ վարչական շրջանի ղեկավարի  տեղեկալ Կարեն Հակոբյանի քարտուղարուհուն։ Լ.Դավթյանի պնդմամբ՝ նա աշխատավայր գնացել է 9։16, սակայն ժամեր անց  պահանջել են բացատրագիր ներկայացնել՝ վարչական շրջանի ղեկավարին, իսկ հաջորդ օրն ստացել նկատողություն։

Համայքային ծառայողի իրավունքները պաշտպանելու նպատակով Լիանա Դավթյանը կատարվածի մասին   դիմում-բողոք է գրել  քաղաքապետ Հայկ Մարությանին,վերջինիս տեղակալ՝ Տիգրան Վիրաբյանին, տարածքային կառավարման նախարարին և Երևանի Ավագանու՝ «ԻՄ քայլը», «Լույս» և «Բարգավաճ Հայաստան» խմբակցությունների ղեկավարներին:

Մարտի 18-ին Երևանի Ավագանու Լույս խմբակցության ղեակավար Դավիթ Խաժակյանը արձագանքելով ավագանու նիստին բարձրաձայնել է խնդիրը:

Խաժակյանի ելույթից կես ժամ անց վարչական շրջանի ղեկավար Դավիթ Կարապետյանը երկրորդ խիստ նկատողությունն է տվել Լիանա Դավթյանին՝  նույն դեպքի վերաբերյալ:Վերջինս չբացառեց,որ դա արվել է վրեժխնդրության համար։

Հիշեցնենք,որ Մալաթիա-Սեբաստիա վարչական շրջանի ղեկավար Դավիթ Կարապետյանի՝ կրթության,մշակույթի  և սպորտի բաժնի վարիչին  առանց պատշաճ իրավական հիմքերի  նկատողություններ տալու առթիվ  ՀՀ տարածքային կառավարման և զարգացման նախարարության կողմից քննություն է տարվում։

Աղբյուր` Փաստինֆո