Փաստ ինֆո

Ռուսաստանում Մոսկվայի մարզի ՆԳՆ-ի գլխավոր վարչության քրեական հետախուզության վարչության աշխատակիցներն իրենց գործընկերների հետ միասին ձերբակալել են հանցավոր խմբավորման անդամներին, որոնք կասկածվում են ձեռնարկատիրոջ առևանգման և խոշոր գումարի շորթման մեջ:
 
Ձերբակալվածների թվում էր 50-ամյա չեչեն «օրենքով գող»` Կազբեկ ՇաՀբուլատովը, որը քրեական աշխարհում ավելի հայտնի է որպես Կազբեկ Ռիժի: Թեպետ, նրա` «օրենքովի» կոչումը չի ճանաչվել իր «գործընկերների» կողմից դեռ 2005 թվականին:

ՆԳՆ-ի  մամլո ծառայության տվյալներով, հանցագործությունը կատարվել է  2018 թ-ին:

Խմբի անդամները բռնի կերպով  մեքենայի մեջ են նստեցրել 41-ամյա գործարարին և տեղափոխել նրան Մոզայսկի քաղաքային թաղամաս Խոլմ  գյուղ: Բաղնիքի տարածքում գործարարին պահելով՝  ծեծել են նրան և, հրազենով սպառնալով, պահանջել 2 մլն ռուբլի:
 
Ստանալով պահանջվող գումարի մի մասը  և գրություն՝ գոյություն չունեցող պարտքերի դիմաց, առևանգվածին ազատ են արձակել: Առևանգման եւ շորթման փաստով քրեական գործ է հարուցվել. օպերատիվ որոնման միջոցառումների  արդյունքում ձերբակալվել են Կազբեկ Ռիժին և նրա հանցակիցները:

Խուզարկության ընթացքում ձերբակալվածների մոտ հայտնաբերվել և առգրավվել են տուժածներից վերցված ստացականները, պնեվմատիկ հրացան, 20 հատ 12 տրամաչափի որսորդական փամփուշտներ, հուշանվեր-սրեր, ծալովի դանակներ:

Այս պահին գործին առնչություն ունեցող բոլոր անձինք ձերբակալված են:

Աղբյուր` Փաստինֆո