Փաստ ինֆո

Կռիլատսկի և Ֆիլի-Դավյդկովո մարզերի  վարչակազմի 57-ամյա նախկին աշխատակից Կարինա Վարդանովայի սպանության մեջ կասկածվողը պարզվել է՝ նախկինում խուլիգանության համար դատապարտված սքինհեդ է: Այս մասին հաղորդում է Mash հեռագրաալիքը:  55-ամյա Ալեքսանդր Գոլովանովին  ձերբակալել են Վարդանովայի սպանությունից երկու օր անց Կուտուզովսկի շրջանում՝ Տաջիկստանի քաղաքացու վրա հարձակվելուց հետո:
 
Տեղեկացվում է, որ Գոլովանովը մի քանի անգամ դանակով  հարվածել է տղամարդուն, այդ թվում՝ սրտին: Տուժողին ծանր վիճակում տեղափոխել են հիվանդանոց:

Mash-ը նշում է, որ իր հարձակումներ գործելիս Գոլովանովը առաջնորդվել է «քաղաքը մաքրելու» ցանկությամբ: «Московский комсомолец » -ը հաղորդում է, որ տղամարդը հավանաբար տառապում է հոգեկան խանգարումով: Ոստիկանությունը փնտրում է մոլագարի այլ հնարավոր զոհերի:

Ինչպես հաղորդել էինք, Կարինա Վարդանովայի վրա հարձակումը տեղի է ունեցել ապրիլի 2-ին և հայտնվել է տեսախցիկների տեսադաշտում: Մարդասպանը դանակով հարվածել է կնոջը,  հետո շրջել է նրան և կրկին դանակահարել, հավանաբար, սրտի շրջանում: Հարձակվողը բժշկական դիմակով էր, ինչը ստիպել է ենթադրել, որ սպանությունը կարող էր ինչ-որ կերպ կապված լինել սպանվածի գործունեության հետ: Վերջերս Վարդանովան ղեկավարում էր  «Մանկական պալիատիվ» բարեգործական հիմնադրամը:

Աղբյուր` Փաստինֆո