Փաստ ինֆո

Մեծ Բրիտանիայում Քեմբրիջի համալսարանի գիտնականները պարզել են, թե ինչու են կայսր Քին Շի Հուանգի Տեռակոտե բանակի արձանների հետ միասին թաղված բրոնզե զենքերն ավելի քան երկու հազար տարի այդքան լավ պահպանվել: Գիտնականների կարծիքով, պատճառը եղել է ոչ թե հակաժանգային մշակումը, ինչպես նախկինում են համարել, այլ հողի հատկությունները: Այս մասին հաղորդում է Science Alert պարբերականը:

Հետազոտողները պարզել են, որ քրոմի հետքերը, որոնք շատ փորձագետներ կարծում էին, թե բրոնզե զենքի պաշտպանիչ ծածկույթից են պահպանվել, իրականում՝ ցեխ էր: Քրոմը լաքի հիմնական բաղադրիչներից մեկն է, որով ծածկված էին զինվորների ֆիգուրները: Դրա աննշան քանակությունը հայտնաբերվել է հողում: Գիտնականները կարծում են, որ մետաղը ի սկզբանե առկա էր փայտե և բամբուկյա նիզակների և սրերի բռնակների պաշտպանիչ ծածկույթում, որոնղ, ի վերջո, քայքայվել են:
Զենքի պահպանման պատճառ կարող էր հանդիսանալ արճիճի բարձր մակարդակը բրոնզում, ինչպես նաև հողի հատկությունները, ինչպիսիք են՝ չափավոր հիմնայնությունը, հողի մասնիկների փոքր չափը և օրգանական նյութերի ցածր մակարդակը:

Տեռակոտե բանակը՝ Սիանում, կայսր Քին Շի Հուանգի դամբարանի մոտ գտնվող ավելի քան ութ հազար լիազորված չինական զինվորների և նրանց ձիերի հուշարձանն է: Թաղվածը հայտնաբերվել է 1974 թ. Մարտին `արտեզյան հորատանցքում: 1987 թվականին ՅՈՒՆԵՍԿՕ-ն Տեռակոտե բանակը ընդգրկել է համաշխարհային ժառանգության ցուցակում, որպես Ցին դինաստիայի առաջին կայսրության գերեզմանի համալիրի մի մաս:

Աղբյուր` Փաստինֆո