Փաստ ինֆո

Անցյալ տարվա հուլիսին Էմմալուիզա Լեգեյթը սովորականի պես պառկել էր քնելու՝ նույնիսկ չկասկածելով, որ հղի է, սակայն առավոտյան նկատել էր փքվածություն որովայնի շրջանում: Նա պնդում էր, որ ընդունում էր հակաբեղմնավորիչներ և դաշտանի բացակայությունը բացատրում էր հենց դրանով: Իսկ նրա որովայնի շրջանի հարթ տեսքը անփոփոխ էր մինչև ծննդաբերության օրը: Այս մասին հաղորդում է Daily Mail-ը:

«Փոքր ինչ ավելացել էր քաշս և շարունակում էի քաշ հավաքել. մայրս առաջարկեց հաճախ զբոսնել, որպեսզի ազատվեմ այդ խնդրից: Քաշը բախշվել էր հավասարաչափ ամբողջ մարմնով՝ գիրացել էին ձեռքերս, ոտքերս, դեմքս, բայց  ոչ մարմինս»:

Այդ օրը 63-ամյա տատիկի հետ Էմմալուիզան շտապել է հիվանդանոց, սակայն չի հասցրել նույնիսկ  ներս մտնել. երեխան ծնվել է հենց մեքենայի մեջ, ավտոկայանատեղիում:

Որովայնի փքվածությունը հայտնաբերելու պահից մինչև  դստեր՝ Սիարայի լույս աշխարհ գալը, անցել է ընդամենը 45 րոպե:  

«Ինձ մոտ առկա չեն եղել որևէ նշաններ:  Ոչ առավոտյան սրտխառնոց, ոչ՝ արտասովոր սննդի հանդեպ ձգողություն, ոչ՝ երեխայի խաղ»

 Բժիշկներն ասում են, որ երեխան  դիրքավորված է եղել մեջքի հատվածին ավելի մոտ,  քան որովայնի պատին, այդ իսկ պատճառով փոր չի երևացել մինչև ծննդաբերության օրը: Երիտասարդ մայրն ուրախ է, որ, անկախ ամեն ինչից՝  երեխան ծնվել է առողջ: Սա Էմմալուիզայի և իր զուգընկերոջ՝ Շոնի, երկրորդ երեխան է արդեն. դեռևս զույգը որոշել է սահմանափակվել  այսքանով: Բայց հաբերի տեսքով հակաբեղմնավորիչներին այլևս վստահել չեն կարող:

Աղբյուր` Փաստինֆո