Փաստ ինֆո

Գրեթե 15 հեկտար մակերեսով անմարդաբնակ կղզին կրում է «Isola delle Femmine» անվանումը (բառացիորեն՝ կանանց կղզի) և գտնվում է Սիցիլիայի «Մեծ Երկրից» 300 կմ հեռավորության վրա: Այս մասին տեղեկացնում է Daily Mail-ը: Ըստ առասպելի՝ կղզին այդպես է անվանվել, երբ այնտեղ աքսորվել է 13 հանցագործ  թրքուհի: Սակայն այժմ այնտեղ ոչ մի հանցագործ  չկա:

Կղզու ամենաբարձր կետում գտնվում է պահակային աշտարակը, որը կառուցվել է XVII-րդ դարում՝ Սիցիլիան ծովահեններից պաշտպանելու համար: Այն կարելի է վերականգնել և օգտագործել որպես մասնավոր նստավայր: Այս տեղայնքը կհավանեն  դայվինգի սիրահարները. ջուրը բավական պարզ է, իսկ ջրի հատակին, բացի բազմաթիվ ծովային բնակիչներից,  սուզվողներին սպասվում են նաև Հին Հռոմի գանձերը:

Սկսած 1600թ-ականներից կղզին պատկանում է Պաոլո Պիլո Բաչիի ընտանիքին:

Կղզին հանվել է վաճառքի, քանի որ կոմսուհին դադարել է այնտեղ անցկացնել հանգիստը: Սկզբում կղզին գնորդներին առաջարկում էին 3,5 միլիոն եվրոյով, բայց, քանի որ ցանկացողներ չգտնվեցին՝ գինն իջեցվել է մինչև 2 միլիոն  (145 միլիոն ռուբլի):

Աղբյուր` Փաստինֆո