Փաստ ինֆո

Ռուսաստանի քաղաքացին դժգոհել է դատավորից՝ մեղադրելով նրան չափազանց սեքսուալ լինելու մեջ: Ռուսաստանի Դատավորների Բարձրագույն որակավորման կոլեգիայի (ԴԲՈԿ) նախագահին հասցեագրված բողոքի  մասին տեղեկատվություն է տարածել lenta.ru-ն։

Քաղաքացին՝ Միխայիլ Կամարովը, դիմել է ԴԲՈԿ –ի նախագահին՝ Նիկոլայ Տիմոշինին, ինչպես «տղամարդը՝ տղամարդուն» և խնդրել  պրոֆիլակտիկ զրույց ունենալ Մոսկվայի Տագանսկի մարզի դատարանի դատավորի հետ՝  համոզելու  նրան այլևս չմեծացնել շրթունքների ծավալը և չներկայանալ նիստերին չափազանց դիմահարդարված:

Կամարովը նշել է, որ փետրվարի 26-ին գտնվել է դատարանում և դատավորի արտաքին տեսքի պատճառով չի կարողացել կենտրոնանալ պրոցեսի վրա:

«Դատավորի շրթունքների և կրծքի (հնարավոր է՝ նույնպես մեծացված) պատճառով ես ունեցա ուժեղ սեռական գրգռվածություն, բերանս չորանում էր, և ես ստիպված էի անընդհատ ջուր խմել, ինչը պատճառ հանդիսացավ երիկամներիս ծանրաբեռնված աշխատանքի: Ես, իհարկե, որպես 45 տարեկան տղամարդ շատ շնորհակալ եմ նրան՝ նման վառ ապրումների համար, բայց կարծում եմ, որ դատավորը պետք է ունենա ավելի գործնական տեսք, ոչ թե նմանվի մեծահասակների համար ֆիլմերի դերասանների կերպարին», — նշել է քաղաքացին իր բողոքում:

Պարբերականի հետ զրույցում նա նշել է, որ դատավորի աշխատանքի դեմ ոչինչ չունի. նիստի ժամանակ նա իրեն շատ կոռեկտ էր պահում, «ամեն ինչ հասկանում էր և ուշադիր լսում»: «Սակայն  մեզ մոտ տպավորություն էր, որ եկել ենք արդարադատության ետևից, բայց հայտնվել ենք  պոռնոֆիլմի դահլիճում. մոռացել էինք  բոլոր հարցերը: Նա անցավ միջանցքով մարմինը կիպ գրկող կաշվե զգեստով՝ միայն մտրակն էր պակասում: Երբ իմացա, որ նա մեր գործով դատավորն է՝ նույնիսկ շփոթվեցի», —ասել է տղամարդը:

Դիմում-բողոքը  վերադարձրել են քաղաքացուն, նշելով, որ դատավորի աշխատանքի մեջ կոնկրետ խախտումներ նշված չեն:

Աղբյուր` Փաստինֆո