Փաստ ինֆո

Պետք է միշտ պատրաստ լինել նոր պատերազմի, որը կբերի խաղաղություն։Այս մասին «Եռաբլուր» պանթեոնում լրագրողների հետ ճեպազրույցի ընթացքում հայտրարել է «Լուսավոր Հայաստան » խմբակցության ղեկավար Էդմոն Մարուքյանը։

«Մենք լսել ենք բազմաթիվ լոզունգներ, հայտարարություններ, բայց երբ պահը եկավ շատ միֆեր քանդվեցին այդ օրը: Պետք է ամենօրյա ռեժիմով աշխատել, հզորացնել բանակը, տնտեսությունը, որ բանակի թիկունքն է, եւ միշտ պատրաստ լինել նոր պատերազմի, որը կբերի խաղաղություն: Եթե պատրաստ ենք պատերազմի, դա խաղաղության լավագույն գրավականն է»,-նկատեց Մարուքյանը՝ անդրադառնալով Նյու Յորքում հայ համայնքի հետ հանդիպման ժամանակ պաշտպանության նախարար Դավիթ Տոնոյանի հայտարարությանը, թե «տարածքներ խաղաղության դիմաց» սկզբունքը ինքը վերաձեւակերպել է «նոր պատերազմ նոր տարածքների դիմաց» սկզբունքով։

Խմբակցության ղեկավարի կարծիքով խնդիրը ռազմական լուծում չունի, փոխարենը ամեն բան պետք է անել բանակցությունների շարունակականությունն ապահովելու համար։. «Բայց եթե մեզ վրա հարձակվեն, մենք ոչ թե պետք է մտածենք, որ հողեր պետք է կորցնենք: Մենք պետք է տրամադրված լինենք, որ եթե նոր պատերազմ եղավ, նոր տարածքներ ազատագրենք: Սրա մասին է եղել պաշտպանության նախարարի հայտարարությունը: Ոչ թե զիջումներ անենք, որ խաղաղություն ունենանք, այլ հակառակորդ կողմը պետք է մտածի, որ եթե գնա պատերազմի, նման արկածախնդրության, ապա կկորցնի նոր տարածքներ»։

Մարուքյանը կարծիքով Ապրիլյան պատերազմը մեծ դաս էր մեր պետության և հայ ժողովրդի համար։

Աղբյուր` Փաստինֆո